رهف…اني باوعت علي بتركيز منتظره يكول لا مو هاي
حسيته غلطان
لان اني ثقتي بنفسي انهزت حيل بسبب كلام الناس
عليه وخاصه خالتي وشكران
رواية 120 كيلو الفصل الخامس 5 بقلم جمانه السعيدي – للقراءة المباشرة والتحميل pdf
جاي اباوع علي وجها شكد ملامحه رجوليه وحلوه
رد على عمي ببتسامه اااي هي هاي
عمي…انت متاكد
عصام….اي متاكد
رهف…وجهي صار احمر من الاحراج والخجل
عصام….اي اني اريد رهف اذا توافق عليه اخليها بعيوني
عمي…استريح ليش واكف
تعاي عمو اكعدي هنا كباله واني اكعد بصفج
رهف…كعدت وعمي كعد بصفي حتى يطمني
عصام….اني اتشرف اناسبكم سئلت كل الجوارين بلمنطقه قبل لا اجي وادك بابكم
الناس كلها تحمد بااخلاقكم
عمي…النا الشرف
عصام…تفضل كول شنو طلباتكم
عمي…ماعندي اي طلب بهاي الدنيا بس تحافظ على رهف
رهف فقدت ابوها وامها واخوها بحادث
وعاشت محرومه من العائله وأريدك تكون عائلتها
حافظ عليها صير انت الامان الها
ولله انت محضوظ برهف اطيب واحن كلب بلدنيا
رهف…من سمعت كلام عمي وحنيته عليه نزلن دموعي لزمت عمي من ايده لا عمو لاتكول هيج انت عائلتي
انت ابد ما قصرت وياي بشي
انت اهلي كلهم الله يحفظك اليه
التفت عليه عمي وباسني من راسي
عمو.. انتي كنز عمو الي يخليج بيته ربحان