رواية 120 كيلو الفصل الخامس عشر 15 بقلم جمانه السعيدي – للقراءة المباشرة والتحميل pdf
خالتي سمعت اني جاي اعدل بيت اهلي
بس متوقعه اريد اكعد بلبيت ابد ما تعرف عمي راح يزوج
بيتي
اكثر شي هليام مشغوله وياا شكران
يكولون كاعده بيت عصام كعده
بس بليل ترجع البيتها ما مصدكه بيت رهف الي جانت تحلم بي
صار من نصيب شكران
ازوج عمي صحيح الحفله حانت بسيطه
بس كلش حلوه اني فرحانه الفرحت عمي بعمري ما شايفته هلكد سعيد ومرتاح
جمانه السعيدي
اني اول اسبوع زواج الهم بقيت بيت عمتي
حتى ياخذون راحتهم كنت مسؤله مسوليه كامله عن الجم
لان مانكدر انسده
البنات دافعات اشتراك وملتزمات بكورسات رياضه
اني جنت اطلع الضهر افتح الجم
الساعه عشره بليل يجي عمي يرجعني للبيت
اليوم السابع جمعت غراضي وقررت ارجع اكعد وياا عمي وملاك بيت اهلي
تحديدا هذا لليوم بلذات خالتي يله عرفت عمي ازوج عليها
بس وصلت البيت ابوي تقريبا الساعه ١١ الصبح
دخلت للبيت سلمت على ملاك
اقل العشر دقايق
اتكسر الباب تكسير
عمي فتح الباب جان يشوف خالتي
ووجها اسود وعصبيه يطير من عيونها شرار
خالتي….الله لايرضا عليك صدك ازوجت عليه
انت تزوج عليه وووينها هاي بت الشوارع الي اخذتك
مني خل اشوفها
دخلت جنا اني وملاك واكفين كبالها
بقت تباوع على ملاك
ملاك لا بسه بدي خيوط وشورت للركبه وفاتحه الشعر