بعدين لا تخافين راتب ابوها موجود وتصرف منه
مراح تاخذ لكمتج من حلكج
عود انتي خالتها شلون الغربه راح يعاملوها
رواية 120 كيلو الفصل الثاني 2 بقلم جمانه السعيدي – للقراءة المباشرة والتحميل pdf
رهف…سمعت كل كلامهم خفت اي خفت من خالتي
شلون راح اعيش وياها ماادري
شلون راح اكمل ويا شكران بنفس البيت
ولله ماادري بس الي مطمني عمي زين وياي
طلعت ورجعت كعدت بمكاني
رجع عمي عليه
عمي…..رهف عمو روحي جيبي ملابسج والشغلات
المهمه الي تحتاجيهن وتعاي
انتي راح تعيشين ويانا بيتنا
رهف..كمت دخلت جوه لكيت خالتي كاعده وضاربه البوز شبر
منزعجه من وجودي بيتها
جمعت ملابسي وخليتهم بجنط ثنيبن
اجا عمي شال الجنط وطلعهم برا
خالتي بعدها كاعده بمكانها وتضرب اخماس بااسداس
عمي…يله كومي عليمن صافنه اترحمي الاختج
بدل هاي الصفنه
كامت خالتي طلعت من البيت وعمو قفل كل الابواب
وطلع من البيت
اجرنا تكسي ورجعنا البيت عمي
بس دخلنا وشكران شافت جنط ملابسي
ضاجت حيل
راحت على خالتي
شكران..ماما شنو رهف راح تبقى عدنا
خالتي.. اي
شكران…شنو تبقى عدنا موذك بيتها شكبره وتكعد بي
تردينها تكعد بغرفتي على كلبي
ولله مااريدها بغرفتي