وتريدني اجي وياها
اني ما قبلت مااريدها تدخل بيتج خاف اضوجين
بس شو سالفتها جنها صدك
ووضعها كله متغير صايره حبابه وماتسوي مشاكل
وبس تحجي بيج طول الوكت
رواية 120 كيلو الفصل الثامن 8 بقلم جمانه السعيدي – للقراءة المباشرة والتحميل pdf
رهف.. ايجوز صدك حست بغلطها
عمي. تقبلين اجيبها تعتذر منج
رهف…عليمن تعتذر مهما يكون تبقى خالتي
خليها تجي اني ما شايله بكلبي عليها
عمي…انتي متاكده
رهف…اي متاكده خل تجي اهلا وسهلا
عمي.. مراح اخليها اطول ربع ساعه واخذها ونطلع
رهف…اي انت ابقى كاعد لا تطلع اله تأخذها وياك
عمي.. هاي هي اتفقنا على باجر بليل
رهف.. اي انتظركم
عمي تمام موعدنا باجر
من رجع عصام حجيتله كلشي صار بيني وبين عمي
عصام….عادي خل تجي اهلا وسهلا
رهف…خوما يضايقك وجود اهلي بلبيت
عصام…بلعكس اهلا وسهلا بيهم
ثاني يوم اندكت الباب رحت فتحتها
بس شافتني خالتي كامت تبجي حضنتني وكامت تبجي
بقيت مذهوله من تصرفها معقوله هاي خالتي
الي اخر مره كالت راح اخليج تتندمين وتبجين بدموع دم
بقت تبوس بيه وتبجي
خالتي.. اسفه اني اسفه سامحيني مااعرف شلون اعتذر منح
رهف…لا تعتذرين ماصار شي تفضلي تفضلي