رواية 120 كيلو الفصل الثالث 3 بقلم جمانه السعيدي – للقراءة المباشرة والتحميل pdf
خله راسه عل المخده ونام
اريد احجي وياا بس استحي شراح اكوله
خاف اني ماعاجبته
لو يريد وحده غيري شلون بيه مااكدر احجي ويااا
فات اسبوع كامل واحنا على هذا الحال
لا قربلي ولا حاول حتى بس ليلة العرس
وبعد ماحاول يقرب عليه
وحتى كلام ماكو بينا
بس اذا يريد شي يسئلني وهاي هي
بليل من يدخل للغرفه بس يخلي راسه على المخده ينام
احتاريت شلون اسكت لو اسئله
خاف اكو شي واني مااعرف
بيوم السابع اهلي عزمونا كلنا بيت عيالي كلهم
بس وصلنا البيت اهلي حسيت كلبي انفتح اكو ثكل وانشال من كلبي شكد فرحت من دخلت بيت اهلي
اكلت اكل مو طبيعي احس نفسي صار شهر بدون اكل
الصراحه اكل عيالي موطيب
دائما الطبخ بدون لحم والحد الان ماشفنا الدجاج
ولا السمج
هما بلنسبه الهم الوضع طبيعي متعودين
بس اني متعوده على اكل زين بيت اهلي
احنا ناكل لحم لو سمج لو دجاج للغده
والعشى هم ناكل لحم وبيتنا دائما بي خير من الله مسواك
عيالي مايتسوكون كل يوم
والفواكه مانشوفها بلبيت من نكعد ناكل عمتي تقسم الاكل كل واحد هو وزوجته الهم ماعون واحد تمن وماعون زغير مرك ودائما المركه بدون لحم