ها طمني..
كله تمام ووقعو في المصيده خلاص..
يعني دفعو الفلوس..
ايون وادام البنك اهم..
ايوا بقه هو دا الكلام..
عايزك تجهزي وتتصلي بيه
واكيد هيبقي عايز يحتفل معاكي وتتغدو مع بعض وفقي..
لي بقه محنا كدا خلصنا التمثليه
وعملنا اللي احنا عايزينه..
لا برضو روحيله..
حسام انا معنتش فهماك..
مش لازم بس روحيله برضو..
حاضر..
قفلت التليفون وهي مضايقه لاا مش فاهمه هي بتعمل اي واتصلت بمصطفي..
الو..
ايوا يا بيبه ..
شكلك مبسوط..
جداا..
خير طمني..
عملت صفقة عمري..
بجد ?
احكيلي..
لا انا هحيلك لما اشوفك النهارده ..
النهارده يا مصطفي ?
مينفعش حسام كدا هيبدا يشك انا بقيت بخرج كل يوم..
طب منتي قيلاله بتروحي لمامتك وهو اصلا مش في دماغه يسال..
اخاف..
متخفيش..
خلاص هتغديني فين النهارده..
هفجأك تعالي ادام المطعم اللي بنتقابل فيه وانا هاجي اخدك..
ماشي اقابلك هناك سلام..
سلام..
جه حسام من برة وهو بيلعب بمفاتيح عربيته وبيغني وقفت حبيبه ادامه وهي مربعه اديها..
مالك واقفه لي كدا..
انت مش عارف يعني..
لا مش عارف..
انا نفسي افهم خلصنا اللي احنا عايزبنه ووقعناهم في شر اعمالهم لسه عايز اي ؟..
انتي بتسالي لي
مش احنا اتفقنا علي عشر ايام
انا يستي مش هطلب منك حاجه تعمليها بعدهم..
وانا المفروض امشي كدا
واعمل اللي انت بتقوله وانا مش فاهمه..
انتي عايزة اي يا حبيبه..
عايزة افهم يا حسام
كل اللي انت بتعمله دا مش عشان تخسرهم فلوس
كل الفترة اللي فاتت دي انت محتجتنيش في حاجه متقولش اني كنت راحه اتغدي معاه عشان اجبلك الارقام
انت نفسك قولت ممكن تجيب الارقام بكل سهوله وخطتك كلها
انا مليش اي لزمه فيها
حسام انت بتستغلني عايز تخلي مصطفي يفكر انك نايم علي ودانك وفي الاخر تطلع وتبينله انك فاهم وعارف كل حاجه وانت اللي
عامل كل دا
بس دا انيل مليون مرة
لو انت بقيت نايم علي ودانك
هتبقي ع الاقل اسمك راجل
انما انت دلوقتي بتبيع مراتك عشان تكسب جوله ملهاش اي لزمه يعني انت مش راجل..
قالتها بعصبيه وعلت صوا
بصلها حسام بغيظ ورفع أيده وضرا بالقلم فضلت ماسكه خدها اللي ضرا عليه وجريت علي اوضتها وقفلت عليها وقعدت تعيط
اتصل بيها مصطفي كنسلت عليه
وراحت تدور علي حاجه تلبسها وخرجت برة الاوضه اول ما حسام شافها مسكها من اديها..
انتي راحه فين..
لو سمحت ملكش دعوة بيا خالص وسيب ايدي احسنلك..
هتعملي اي يعني..