بس عملنلها منظر وان ف ناس كتير هيموتو عليها ولو خدوها يبقي طاقت القدر اتفتحتلهم
المهم بكرة بقه هيتقابلو عشان يدفعو الفلوس ويكتبو العقد
وهنا بقه هيبقو في وش بعض وهيرتبكو لان كل واحد بيعمل الشغل من ورا التاني
ولما ان شاء االله يخلصو ويجو يبيعوها هيلاقوهم مضروبين الم حيام وكل واحد هيفكر التاني مشترك في الموضوع دا
والناس التانيه فلوسهم هترجعلهم بعدها بساعه بس هو منظر عشان العقد وكدا..
طب لي مبعتلوش أرض من بتعتك وانت اللي هتستفيد م الفلوس..
لام هيشوفو اصل العقود حتي لو عملت بأسم حد تاني ،
وهيعرفو ان انا اللي ورا الموضوع..
وانت متاكد من الناس دي..
جدا لأم بيتمنو يعملولي اي حاجه..
يبقي خلاص كدا خلصنا.. ?
لا لسه..
لي بقه..
يعني عايزك برضو تقابليه عشان ميقلقش..
مممم..
احنا لسه مخلصناش ايامنا واحنا متفقين علي عشر ايام..
مش فهماك بس ماشي..
مش مهم
المهم نخلص الموضوع..
كان مصطفي مستني بقيت الناس تتجمع عشان يمضو العقد ودا اكيد بعد ما جمع فلوسه كلها واجتمعو كلهم ودخلت عليهم منار
بصلها مصطفي باستغراب وسألها : انتي اي اللي جابك هنا ..
انت اللي جاي هنا لي؟..
جاي شغل ..
وانا جايا شغل..
االله االله منتي بقيتي بتدخلي في شغل كبير اهه..
اللي خلاك تدخل في حاجه زي دي يخليني ادخل انا كمان..
مجبتليش سيرة يعني..
منت كمان مقولتش
ولا عايز تقش لوحدك ؟ ..
انتي مهما عملتي مش هتقشي زي..
وبص للعقود اللي ادامه وكمل: شايفه حتي النسبه اللي انتي دخله بيها ملاليم ودا اكيد اللي حيلتك كله..
حتي لو النسبه قليله بكرة هكسب ضعفهم دا السوق كله مش بيتكلم غير عن الارض دي ..
واتكلم واحد من اللي قاعدين : يلا يا جماعه ممكن نتفضل ع البنك ..
وراحو ادام البنك واستلمو العقود ومضيو وسلمو الفلوس لصاحب الارض..
الف مبروك يا جماعه..
كانت منار فرحانه بلعبتها لاا متاكده من مكسبها وكمان لاول مرة تدخل ف صفقه كبيرة كدا..
كل دا وحسام متابع اللي بيحصل من شباك عربيته واتصل بحبيبه..
حسام: الو..