أدهم: ليلى بتعملى إيه
ليلى: الحمد لله أنه سيف عزمنا معاه ودية فرصة كويسة علشان أقربهم من بعض
أدهم: هتعملى إيه
ليلى: مش أنا الا هعمل الدي جي….
أدهم: يا بنت المجنونة
ليلى: خليته يعمل فقرة للثنائيات رقص يعنى وسيف وياسمين هيرقصوا مع بعض برضاهم أو غصب عنهم ويمكن لو قربوا من بعض ممكن مشاكلهم تتحل
أدهم: بس…..
ليلى: أهدى واتفرج وكمان فيه جائزة لأفضل ثنائي يعنى هنرقص وخلينى أشوف طولك في الرقص….
أدهم: أنتي عارفه مليش في الرقص
ليلى: مفيش بيت برضو
أدهم: قصدك طرد
ليلى: اممممم
أدهم: بتهزرى
ليلى: جربني كده……
أدهم: روح قلبي
ليلى: ولا روح بطيخ حتى
أدهم: ……!!
الدي جي: ممكن كل الثنائيات الا في الحفلة يتقدموا لحفلة الرقص
ليلى: سيف مش هترقص
زين: تيجى نرقص ياسمين
سيف: أكيد طبعاً هنرقص
ممكن…..
ياسمين: بس…..
ليلى: يلااا يا ياسمين
زين: دائماً كل لما أقرب منها ييجى ياخدها منى حيوان……
محمد: زين أنا آسف يا بني بس ياسمين بتحب سيف هي قررت تبعد عنه بس عمرها ما هتبطل تحبه
زين: ليه سيف وحضرتك مكنتش معارض الأول
محمد: بس دلوقتي عرفت أنه سيف هو السبب الرئيسي الا خلاها تكون قوية وتشوف حياتها رغم حبها الشديد ليه بس قررت البعد علشان عيلته وكمان سيف ميقدرش يبعد عنها