ياسمين: سيف
سيف: جيت أشوفك اخبارك عامله ايه دلوقت
ياسمين: الحمد لله
سيف: عارف أنك دايمًا خايفة من إللي جي، وعارف أنك دايما قلقانة ومش مطمنة من كتر إللي مريتي بيه، وعارف كمان أن صعب تثقي في حد، وعارف قد إيه مفتقدة الإهتمام، وأن حد يكون شايفك أولى اولاوياته، وعارف أنك ضعيفة مهما ظهرتي أنك قوية، وعارف كمان أنك حساسة لدرجة كلمة بتزعلك، ومجرد كلمة بتفرحك
عارفك مش عارف عرفت منين ده بس فعلاً حسيته من نظرة عيونك، من كلامك إللي دايما مش مترتب، عرفته من عصبيتك على أقل شيء، ومن زعلك على أتفه الأمور، من ارتباكك لما بنتكلم، من ضحكتك إللي كلها زعل، وحزن على إللي ضاع منك، عارف أنك بتتعصبي اكتر ما بتتنفسي عارف عارف.. بس برضو عارف السبب فأنك تتعصبي بالشكل المخيف ده، عارف ندمك على عصبيتك وانتي مع نفسك، عارف كمان كام مرة قلتي مش هتعصب تاني وهكون هادية وحولتي ومع ذلك بتفشلي، عارف كتير اوي عنك، يمكن أكتر حاجة عرفتها عنك هي طيبة قلبك، ونقاء روحك، واخلاصك لكل حد عملتيه، وده سبب كافي يخليني أقولك أنا هِنا، أنا جنبك، معاكِ؛ تسمحيلي أكون هِنا!؟
تسمحيلي نشيل كل الهموم دي سوا؟!
تسمحيلي أكون الشخص إللي يكون جنبك مهما طال الطريق؟
مش هقولك قلت ده من فراغ أنا عارفك ورضيت بيكِ زي ما أنتي، بالوحِش إللي فيكي قبل الحلو، لأن أنا مش شايف فيكي وحِش صراحة يعني هو حد يقول على المهلبية دي وحِش.
من هِنا ورايح مفيش تفكير، مفيش حزن، مفيش زعل، ولو حصل وبقى فيه هيكون على أزي مجبتليش الشوكولا إللي قلتلك عليها وأنت جي؟
واكون جيبها وبهزر معاكي وبقولك لأ..
يكون مثلا أزي تخرج من غيري يوم الاجازة بتعتك وأكون بهزر معاكي، وأكون خارج عشان نقضي اليوم سوا فحتة بعيدة
ياسمين: بس…..
سيف: أنا معاكى وهساعدك تحققى أحلامك هكون سندك بس أسمحيلى أكون جزء من حياتك
ياسمين: بس ليه بتعمل كده
سيف: علشان بحبك
ياسمين: أنا متحطمة ومش عارفه اعمل ايه والحب لا مش عاوزه حب كفاية كده
سيف: أهدى صدقيني أنا جمبك وعمرى ما أبعد عنك
ياسمين:….