بااااك
ياسمين: مضى عام آخر مرة شوفته فيها
ليلى: مشتاقه ليه
ياسمين: قلبي بيتوجع من غيره
ليلى:ارجعيله وارتاحى وانتي ليسه على ذمته
ياسمين: لا أنسي قوليلى أخبارك أنتي وأدهم عرسان جداد بقا
ليلى: اسكتي يا أختي بلا عرسان بلا نيلة أسأليني أنا من تاني يوم جواز نزل الشغل عنده الشغل أهم مني…….
ياسمين: قولتيلى بقا كده إيه رأيك تروحى ليه على الشغل
ليلى: شكلك عاوزانى أتهزأ
ياسمين: عيب عليكِ أنا برضو
ليلى: مش هتجيبيها لــ بر شكلك كده
ياسمين: أسمعي مني وأعملى زيي ما قولتلك………
ليلى: والله فكره تب سلام بقا
ياسمين: أبعتيلى واحد مانجا فيري وأنتي ماشية
ليلى: عندك مساعدك سلام
ياسمين: ندالة ماشية فيكي
محمد: حاجة الفرح كلها جاهزة والفستان أحمد جابه النهارده
ابتهال: كل حاجه تمام والقاعة كل جاهز
محمد: أخيراً هنخلص منه
احمد: فيه حد بيتكلم عليه
محمد: مين جاب أسمك ومطلعتش لينا في البخت
احمد: كده يا حاج أنا بقيت عريس دلوقتي
محمد: والله وكبرت
ابتهال:نور عيني بقا عريس قمر
احمد: يخليكي لينا يا ست الكل أنتي والحاج
ابتهال: بكره الفرح مش مصدقة
محمد: صدقى إبنك كبر وصار عريس
ابتهال: حبيبي ديه تعالى في حضني يا روحى
احمد: مفيش غيرك بيفهمني ويهتم بيه
محمد: وأنا فين
ابتهال: تعالى ليك مكان
ياسمين: وأنا فين لمة العيلة تكمل من غيرى…؟
ابتهال بضحكة بسيطة تغمرها السعادة: أنتى في القلب يا روحى تعالى
محمد: تعالى يا حبيبة قلبي
احمد: ربنا يخليكم ليه يا حته من قلبي
ياسمين: يارب
ابتهال: جهزتِ فستانك الفرح بكره ولا يكون نسيتي
ياسمين: أكيد طبعاً وابصم بالعشرة كمان
محمد: متأكد أنك ليسه رايحه تشتري الفستان
ياسمين: تب استر على قرة عينك
ابتهال: ياسمين…….
ياسمين: اسفة مش نسيت والله بس الشغل متراكم عليه ومعرفتش انزل أشتري
احمد: عادى يا حبيبة أخوكى ولا يهمك ننزل سوي ونشترى الفستان
ياسمين: أنت حبيبي…..حالا أجهز وانزل بسرعة سلام
ابتهال: ربنا يوفقك ويحققلك كل الا بتتمنيه ويجبر بخاطرك يا حبيبتي
محمد: يارب
احمد: يارب هي تستاهل كل خير ربنا يعوضها يارب