-هي حاجة تافهة . و يمكن ماتكونش صح
يمكن أكون فاهمة غلط !
حلا بإستغراب :
-إيه ؟ إيه الإلغاز دي يا سلاف ؟!
ما تتكلمي بوضوح أكتر عشان أفهم
نظرت لها “سلاف” صامتة لثوان .. ثم قالت بتردد :
-مـايا
-مايا ! .. قالت “حلا” بدهشة ، و أدرفت بتساؤل :
-مالها مايا يا سلاف ؟؟؟
سلاف بتقطيبة حزينة :
-قابلتها علي السلم و أنا طلعالك . سلمت عليها عملت نفسها مش سمعاني .. ثم أطلقت زفرة حارة و قالت :
-أنا مش عارفة هي بتعاملني كده ليه يا حلا !
هي و مامتها من يوم ما وصلت و هما مش بيحبوا يشوفوني و لا يكلموني . أنا محتارة و الله مش عارفة أنا عملتهلم إيه !!
حلا و هي تربت علي كتفها بعطف :