رواية وكفي بها فتنة الفصل الحادي والعشرين 21 بقلم مريم غريب – للقراءة المباشرة والتحميل pdf

نظر لها “أدهم” و قال بإبتسامة إستسلام :

-خلاص يا سلاف . ما أنا مابعرفش أعارضك كتير

إتفضلي .. و مد ذراعه صوب باب المطعم مشيرا لها بالدخول

كان المطعم فارغ بالطبع ، لكن المضيف حضر أمامهما فورا ..

المضيف بإبتسامة :

-صباح الخير يافندم

تحت أمركوا !

أدهم بتحفظه المعهود :

-السلام عليكم

من فضلك عايز ترابيزة لشخصين

المضيف : طبعا يافندم

إتفضلوا

ثم إستدار و تقدمهما إلي أقرب طاولة صغيرة علي صف النوافذ العريضة المغلقة ..

-تؤمروا بإيه حضراتكو؟ .. تساءل المضيف بلهجة مهذبة

نظر “أدهم” إلي “سلاف” منتظرا ردها ، لتقول بعد بحث قصير في القائمة :

-أنا عايزة ستافت كراست Medium Sized مع كول سلو دايت و كولا لو سمحت !

دون المضيف طلبات “سلاف” ثم إلتفت إلي “أدهم” :

-و حضرتك يافندم !

أدهم : لا شكرا أنا مش عايز حاجة

هات بس طلبات المدام

المضيف : تحت أمرك 10 دقايق بالظبط .. و إنصرف

-مش غريبة ! .. قالها “أدهم” و هو يحدق في عيني “سلاف” بتركيز

لتنظر هي له بإستغراب ..

أدهم مكملا بنبرته الهادئة :

-مش غريبة حد في حجمك و سنك الصغيرين دول يبقي له التأثير الكبير ده ؟