ام انتصاربهمس لإبنتها: مالك يابت فرحانه كده ليه اشحال نكدت عليكى يوم صباحيتك ، ال ماكانت قادرة تأجلها اسبوع حتى!
انتصار: مش مهم ياما المهم أنه بقا بتاعى انا لوحدى، ياه ياما اخيرا انا وعبدالله
ام انتصار بدهشة: ينيلك يادى البت انتى لسه ال فيكى فيكى
انتصار وهى تنظر لظهره: كنت فاكره انى نسيت بس عبدالله ال عشت معاه فى بيت واحد وشفت طباعه وأخلاقه وحنيته خلتنى افتكر واتعلق واحلم ياما وأهوالحظ ضحكلى والظروف خدمتنى خلاص الحلم بقا حقيقة وبقا عبدالله بتاعى لوحدى انا وبناتى.
يخرجها من حديثها هزه خفيفه بملابسها من ابنتها وقد استمعت لمعظم حديث والدتها مع جدتها
غادة : ماما ، ماما
انتصار وهى تقبل وجنتيها: نعم ياقلب ماما
غادة: يعنى ايه عم عبدالله بقا بتاعنا ،اومال طنط ناهد ورحمه يبقوا ايه؟
والدة انتصار : بنتك دى مخها طالع طخين مش هتفلح حتى فى التعليم ،اومال احنا فى عزاء مين يا مدهولة.
انتصار: بصى ياحبييتى ناهد ماتت
غادة : زى بابا
انتصار ووالدتها بهمس: الله يجحمه
دلوقتى عمك عبدالله اتجوزنى وبقا مكانه، فهمتى؟
غاده : يعنى بقا هو بابا ؟!
انتصار : هو بابا بالظبط كده عليكى نور
غادة بفرحه : الله انا بحبه اوى، بس ورحمه هو مش باباها برضه