——–
اسيل : 
(دخل الدكتور وشرح المحاضره ليهم وخلصو وخرج امير هو واسيل )
امير : اوصلك ب عربيتي ولا زي امبارح ؟
اسيل : ولا دا ولا دا انت شايفني ماسكه مصاصه 
امير : بت بقولك ايه بطلي عنف شويه واتهدي 
اسيل : مين دي ال………..
امير : بت انتي
(وراح ماسك ايديها الاتنين الصغيرين ب ايد واحده وحط ايده علي بقها ب الايد التانيه )
امير : اما اقول كلمه تتنفذ
(بصو في عنين بعض جامد وامير بيقرب منها شويه ب شويه وراح مره واحده سايبها وزقها بعيد عنه )
امير : اركبي
اسيل : مالك يا امي…
امير (وهو بيقاطعها ) : اركبي
اسيل : حاضر 
( ركبت معاه العربيه وفي دماغها مليون سؤال ماشيين ساكتين خالص وصلها علي اول الشارع وكمل معاها مشي لحد البيت )
اسيل : يلا انا طالعه عاوز حاجه ؟
امير : اه
اسيل : ايه
امير : ناديلي بباكي او مامتك عشان اعرفهم اني هوصلك كل يوم بدل ما تركبي توكتوك لوحدك مينفعش ع الاقل انا عارفك
اسيل : ماما الموجوده 
امير : طيب ناديها
اسيل : انت بتتكلم ازاي هقولها ماما اطلعي واحد صاحبي عاوزك
امير : اه 
(فضل امير واقف بره مستني مامت اسيل لحد اما اسيل قالتلو يدخل يقعد في الصالون مع مامتها وراحت تعملو عصير قعد امير في الصالون دخلت مامت اسيل ووشها مكنش غريب عليه )
امير : ايه دا طنط سهير!!
سهير (مامت اسيل ) : انت تعرفني منين يابني ؟!
امير : معقوله يا طنط مش فكراني دا انتي كنتي امي التانيه 
سهير : لا حقيقي مش فاكرة
امير : نسيتي صحبتك علا
سهير : امير 
امير : عامله ايه يا طنط وحشتيني والله
سهير : وانت كمان والله يا حبيبي انت بتعمل ايه هنا
امير : انتي اللي بتعملي ايه هنا يا طنط ؟
اسيل : احم احم انا موجوده علي فكره انتو نسيتو .. وتعرفو بعض منين اصلا
امير : طنط سهير صحبت ماما من زمان مقولتيليش ليه يا طنط انك رجعتي من السفر
سهير : والله يا حبيبي لسه راجعين قريب يادوب دخلنا اسيل الكليه
اسيل : متقولش انك امير ابن طنط علا
امير : ايوه انا مش مصدق علي فكره 
اسيل : انا فاكره اننا كنا بنلعب مع بعض كتير واحنا صغيرين بس دا من زمان خالص
امير : يااه يا طنط بقالنا 155 سنه كتير ما شوفناش بعض بجد ايه الصدفه دي
سهير : يلا بقا يا حبيبي عشان هتتغدا معانا
امير : خليها مره تانيه بقا يا طنط وماما هتبقا يا طنط وماما هتبقا معايا ان شاء الله
سهير : ماشي بس بردو انت انهارده هتتغدي معانا خشي يا اسيل حضري الغدا يلا
اسيل : حاضر
( دخل امير البيت حضرت اسيل الغدا وقعدو علي السفره وقعدو يتكلمو وهما بياكلو )
امير : انا السبب الرئيسي اللي جايلو اصلا يا طنط كنت عاوز استاذنك ف حاجه
سهير : قول يابني
امير : كنت يعني بقترح بدل ما اسيل كل يوم تيجي ب مواصلات وبهدله وبتاع ونعناع وتوكتوك وتركب لوحدها اوصلها ب عربيتي احنا ساكنين بعدكو ب شارعين
سهير : هو طلاما انت من غير تفكير انا موافقه دا انا اللي مربياك 
اسيل : دنيا عامله ايه وطنط وكلكو 
امير : احنا تمام الحمد لله وندي وعمو عاملين ايه
اسيل : كلنا حلوين 
(قضو وقت كبير مع بعض وبعد كدا استاذن امير ورجع علي بيتو وهو في قمه السعاده امو فتحت الباب دخل علي الاوضه بتاعتو علي طول من غير ولا كلمه واتحدف علي السرير دخلت وراه امو واختو )
دنيا : مش هتتغدي يا حبيبي 
امير : اتغديت . ومش هتصدقو عند مين
علا (ام امير ) ودنيا : مين
(راح قايم ومسك ايد دنيا )
امير : طنط سهير مامت اسيل وندي فكراهم .. من قبل 15 سنه
علا : احلف
دنيا : احيه بجد يا امير 
امير : اه والله يا جماعه
علا : ازاي يابني دول مسافرين بقالهم زمن
امير : مش هتصدقي اصلا الصدفه دي
(وراح حاكي لامو علي كل حاجه )
دنيا : اووووووووووووووه حب الطفوله بقا
علا : لا احنا بكرا لازم نروحلهم زياره بقا 
امير : طيب يا ماما انا هنام بقا عشان تعبان
دنيا : والعه يابا 
امير : اقفلي الباب وراكي يا بنت الجذمه
علا : امير !!!
امير : اسف يا ماما
(خرجت دنيا والام لبره وامير ساند راسو علي السرير ومبتسم وعمال يفتكر في الذكريات القديمه )
(فلاش بااك قبل 15 سنه )
امير : يعني ايه هتمشي وتسيبيني 
اسيل : مش تزعل بس مامتي هي اللي عاوزانا نسافر مش انا 
امير : طب انا هاجي معاكو انا بحبك مش عاوز اسيبك 
اسيل : مامتك مش هترضي خالص 
خلي دي معاك
(وادتلو منديل فيه ورده لونها احمر ولفاها فيه )
امير : يعني مش هشوفك تاني ؟
اسيل : اه 
امير : احنا هنمشي من بيتنا نروح بيت تاني وانتم هتسافرو حتي لما تيجي مش هتعرفي تلاقيني 
اسيل : بس انا بحبك ومش هنساك
امير : لا . امشي يلا امشي انا مش عاوز نتقابل وانا مش بحبك
(راحت بصالو بعنين الاطفال البريئه اللي مليانه دموع )
اسيل : مش تزعل مني
امير : يلا امشي 
(ركبو العربيه ووصلو المطار )
سهير : هتوحشيني والله يا ام امير
علا : وانتو كمان خلي بالكو من نفسكو
ندي : سلام يا دنيا هتوحشيني اوي
دنيا : متنسينيش يا ندي
اسيل : امير انا هبقا عاوزه اشوفك علي طول
امير : يلا امشي انا مخاصمك كتير اوي
سهير : يلا يا اسيل .. سلام يا حبايبي سلام يا علا وخلي بالك من اللي في بطنك
(مشو وسهير بتشد اسيل ب العافيه وهي بتعيط عشان هتسيب امير )
(باااااااك )
(ضحك امير بصوت عالي وراح قايم جايب صندوق عليه تراب كتير اوي مسح التراب من عليه وفتحو براحه لقي المنديل ملفوف لسه بس مكنش في غير عود الورده اللي فضل لما الورده دبلت )
(فضل يفتكر ذكريات اكتر ويضحك بفرحه اكتر واكتر لحد ما النوم غلبو وراح في سابع نومه … )