ثم تعالت شهقاتها وهى تكمل ببكاء
_اسفة انى حتى محاولتش اعرف عنك اساسيات التفاصيل زى مؤهلك وشغلك، اسفة انى حكمت عليك بالمظاهر، اسفة بجد
انهت كلماتها لتترك يديه وتحيط بها وجهها وتدخل فى نوبة بكاء قاسية تحت نظراته المتألمة ليبعد يديها عن وجهها برقة ثم رفع وجهها ليقابل وجهه وهو ينظر بعينيها قائلا بحنان
_وانا آسف انى ما عرفتكيش عن نفسى اكتر، اسف انى كنت بناغش فيكى واضايقك لدرجة كرهتينى ومفهمتنيش ومحاولتش فى يوم اعبر عن اللى فى قلبى واعاملك ك انثى مش واحد صاحبى على رأى بابا، اسف انى مفهمتش بتمرى ب ايه رغم انى كنت شايف تعاستك قدامى واستنيتك لحد ماتيجى، حتى انا غلطت وان كان على غلطاتك
صمت للحظة تحت نظراتها الملهوفة ليبتسم بعدها قائلا برقة
_انا مسامح يا شيرين لانى ببساطة قلبى مش بيعرف يزعل منك، معنديش حتى رفاهية الزعل دى
رمشت شيرين بعينيها بصدمة لتبتسم بسعادة وقد انار بكلماته الرقيقة وجهها لتقول بعدها بتوتر
_رافد انا عارفة انى غلطت بس ممكن تدينى فرصة اخيرة؟ ممكن ندى لعلاقتنا فرصة بس المرة دى فرصة بجد؟ ممكن نبقى مخطوبين بجد ونتعرف على اللى فى قلوبنا؟ اعرف رافد الحقيقى اللى محدش يعرفه والى قلبى حس معاه بالامان وانت تعرف شيرين المستخبية جوايا، ممكن؟