ابتسم لها رافد برقة ثم ترنح من مكانه واقفا وهو يقول بحنان:
_انا شايفك بقيتى كويسة اهو ف انا هستأذن
تمسكت بيده بتلقائية قبل ان يذهب ليلف عينيه جهتها بتعجب لتسحبه هى لتجلسه بجوارها على الفراش ليطاوعها هو بهدوء وهو يتابع ردود افعالها بفضول ممزوج بالتعجب ليجدها بعدها تنظر ارضا وهى تقول بتوتر
_رافد
همهم رافد بهدوء وهو ينظر جهتها بقوة محاولا سبر اغوارها ليجدها تقول ب اعتذار وقد التمعت مقلتيها بالدموع
_انا اسفة
نظر لها بتعجب ليسألها بذهول
_اسفة على ايه بالظبط؟
قضمت شفتها السفلى وهى تنظر ارضا لترفع بعدها عينيها جهته ليهاله منظر وجهها الغارق بالدموع ليتأوه هو ب اسمها ثم رفع يده يحاول محو دموعها ولكنها اوقفته متمسكة بيده وهى تقول بصوت متألم مجروح
_اسفة انى كنت السبب فى انك كنت هتموت بسببى فى اليوم ده
زم شفتيه بضيق وما جاء ليفتح فمه ليجدها تتمسك بيده تمنعه من الحديث وهى تكمل ب ألم
_اسفة انى نسيت تضحيتك فى اليوم ده ونسيت اللى عملته عشانى
وقبل ان يفتح فمه تفاجئ بصوت بكاءها يتعالى ليجدها تكمل بألم
_آسفة انى وجعتك كتير واتهمتك بحاجات ملكش علاقة بيها، اسفة انى قولت عليك بلطجى وبتجبرنى على انى اكون معاك، اسفة انى خونت الرباط اللى بينا وسمحت لحد تانى يقرب منى، اسفة انى عملت بينا سدود ومنعتك توصلى، اسفة انى مكنتش صادقة معاك من الاول وما اديتش نفسى فرصة افهمك وفرصة تفهمنى