_من الواضح ان فيه حادثة قديمة حصلتلها اثرت عليها جدا وكانت حادثة قوية اوى، ف الحادثة دى كانت هتأذيها نفسيا، فبدل ما تدخل فى حالة نفسية اكتئاب واضطرابات عقلها الباطن اختار حاجة اسهل
انتبه الجميع له ليكمل بهدوء:
_اختار انه يمحيها من الاساس وكإنها مكانتش موجودة، يعنى زى فقدان ذاكرة اختيارى كدة، محت الموضوع دة بس اللى حصل انها اتصدمت بالواقع وافتكرته
انتبه رافد لحديثه ليتساءل بخوف:
_وبعدين ايه اللى هيحصل؟
اجابه فارس بجدية وهو يعدل وضعية نظاراته اعلى عينيه بحركة لا ارادية منه:
_مفيش انا اديتها مهدئ وهى هتهدى دلوقتى وترتاح وشوية وهتفوق وهنشوف رد فعلها هيكون ايه، هتحتاج طبيب نفسى او اعادة تأهيل نفسية ولا لا
نظر له رافد ليساله بهدوء:
_يعنى هى هتفوق وحدها؟
اومأ فارس بهدوء يجببه بجديه:
_اه شوية وهتفوق بس انا اديتها مهدئ يساعدها فى الهدوء شوية علشان تقدر تتقبل اللى بيحصل
ابتلع رافد ريقه وهو ينظر جهة معشوقته الصغيرة بحزن وألم، لا يعلم لما قصتهم محفوفة بالالم هكذا، ألمها هى بسبب والدها واخيها، ألمه بسببها وبسبب عشقها والان تلك الحادثة بالماضى
تأوه خافت لم يغادر شفتيه خرج من قلبه وهو يسب نفسه لانه السبب، هو السبب فى تذكرها لتلك الحادثة، اه لو كان يعلم هذا لما كان فتح الامر من الاساس فقد كان يظن انها نسيته ولم تهتم به ولا بإنقاذه لها وهو الذى كاد يموت لاجلها ولم يعلم انها اختارت النسيان لاجل الحياة؛