هنا وخرج صوت شيرين متحشرج ومهزوم قائلة بألم
_انا تعبانة يا ماما
ابعدتها منيرة عن احضانها وهى تكوب وجهها بين كفيها متساءلة بحنان لم يخلو من القلق
_وايه اللى تاعبك ياروح ماما؟ ايه اللى حصل وواجعك؟
بكت شيرين اكثر واكثر وهى تقول بانهيار
_انا كنت غلطانة يا ماما، انا طلعت مش فاهمة حاجة ولا عارفة حاجة، انا غلطت فى حاجات كتير اوى بجهل ومش عارفة اتصرف ازاى
ظلت تنظر مُنيرة لها ترمش بعينيها بجهل لتقول اخيرا بهدوء
_انا مش فاهمة حاجة ممكن تفهمينى كل حاجة بالراحة؟
بكت شيرين وهى تقص على والدتها كل شئ وكل ماحدث وما فعلته واخيرا ماقاله لها رافد بالنهاية ونهاية الحديث بينهم لتقول اخيرا ببكاء
_انا مش عارفة اعمل ايه ومش عارفة هو هيعمل ايه؟ هو كدة كل حاجة انتهت ولا لسة؟ ولو انتهت هبقى ظالمة ولا لا
تنهدت منيرة لتصمت لبرهة وهى تزم شفتيها بتفكير الى ان قالت اخيرا
_وانتِ حاسة ب ايه يا شيرين، حاسة انك عايزة ايه؟
هزت شيرين راسها بعدم فهم لتوضح منيرة حديثها قائلة
_من ناحية رافد حاسة ب ايه؟ من ناحية رافد عاوزة ايه؟ ايه شعورك؟ عايزة تكملى معاه ولا تسيبيه؟ عايزة تديه فرصة ولا بالنسبالك الموضوع انتهى؟
تساقطت دموعها على وجنتيها بنعومة لتجيبها بتعب
_مش عارفة