_هو فيه ايه؟ ايه اللى باسط ابنك كدة؟
مطت حنان شفتيها بجل تجيبه بهدوء
_معرفش مش كان معاك فى الشغل؟
اجابها بهدوء
_النهاردة راح المصنع الجديد وماشفتوش
نظرت له حنان لترفع عينيه قائلة لولدها بمرح
_لعله خير وماتكونش مصيبة كدة ولا كدة
ضحك هو بشدة ليجيبها بحزن مفتعل
_اهو انتو كدة يا نسوان مش عاجبكم العجب، نضحك مش عاجب، نكشر مش عاجب، نغنى تقلقو، نسكت تترعبو، مش عارفين نعمل معاكم ايه
ارتفع حاجبها لتجيبه بضيق
_نسوان ياقليل الادب، ماتعمل اللى تعمله بس مش شايف ان مزاجك بقى غريب اليومين دول يوم فوق ويوم تحت
هز كتفيه يجيبها بعبث وهو يلقى بجسده جوارها
_ده على حسب الجو يا جميل
لم تفهم كلماته لتقطب جبينها تنظر جهة توفيق ليهز كتفيه بجهل لتعود هى تنظر له قائلة بمرح
_انتَ متأكد انك مش محتاح تعدى على فارس اليومين دول؟ اصل احوالك مش عجبانى
ضحك بشدة ليقول بمرح
_لا مش محتاج، انا محتاج عروسة هى اللى هتظبط المود، عندك واحدة؟
وعلى حين غرة وجد والديه ينتفضا من اماكنهم ليجلسا بجواره مما جعله يتراجع للخلف بذهول ليتسا،ءل توفيق بلهفة
_بجد يا باسل عاوز تتجوز؟
رمش باسل بعينيه وقبل ان يرد وجد حنان تقول بلهفة
_اخيرا قررت، طيب قولى مواصفاتها، عاوزها شكلها ايه؟ طويلة قصيرة، شقرا ولا شعرها اسود، بيضا ولا غامقة