شعور بالذنب اكتنفه وتملك منه وبالاخص حينما شعر بعد الحديث معها هى ووالدها بأنه مكتفى ولا يريد الحديث مع احد ابدا حتى لا يفسد ذلك المزاج الرائق الذى حصل عليه معهم، ليجببها بأعتذار وخجل
_انا آسف يا جميلة مقصدتش والله بس حصل موقف كدة هبقى احكيلك عليه بعدين ضايقنى فى الشغل وبعدها طلعت اتمشى ف قابلت حد اعرفه وقعدت معاه شوية ولسة جاى
تنهدت جميلة بحزن لتقول برقة
_محصلش حاجة
صمت بحزن وقد آلمه قلبه على حزنها يعلم انها كانت قلقة عليه اليوم كله فى حين هو تجاهلها ليهمس بحنان
_جميلة
همهمت جميلة برقة ليقول بحب
_انا آسف، كان لازم مهما حصل ما انساكيش واتكلم معاكى، وكان لازم حتى اتطمن عليكى ليكون حاجة حصلت بس صدقينى لسة جاى
ابتسمت جميلة على الجانب الاخر وهى تجيبه بحنان
_مش مهم، المهم ان انت كويس، طالما انت كويس انا تمام
ابتسم هو وهو يسألها برقة
_يعنى مش زعلانة منى
طقطقت بفمها وهى تقول بمرح
_مش بعرف اصلا ازعل منك، مهما حصل ومهما عملت قلبى مش بيهون عليه يزعل منك.
ضحك هو على الجانب الاخر ليقول بحب
_ولا انا ياجميلة، ولا انا اقدر اعيش من غيرك، وبعد الايام علشان نكون مع بعض العمر كله
تنهدت هى لتقول برقة
_فارس
ابتسم فارس بحنان وهو يقول بحب
_عيون وقلب وروح فارس