صمت ليكمل بسخرية
_فيه اميرة تضرب راجل بالشوز كدة فى الشارع بالالفاظ دى؟ الاميرة بتكون راقية فى كل تصرفاتها رقيقة وخجوله
ثم لف وجهه لها قائلا بسخرية اكبر
_لكن انتَ يا عم برعى مش ناقصلك غير شنب وتبقى واحد صاحبى
شهقة مصدومة صدرت عنها لتقول بسخرية
_برعى!! برعى مين يا اسطا هاه؟ فيه برعى بالجمال دة؟
ثم اقتربت منه لتقول بخبث
_وفيه برعى عنده العيون دى
ابتسم لها ابتسامة جانبية مغرية زادته وسامة لينفى براسه قائلا بصوت مغوى
_الصراحة لا العيون دى مش بتفكرنى بعيون عم برعى
صمت وهو يلمح ابتسامتها المنتصرة ليقتلها هو فى مكانها وهو يجيبها ببسمة خبيثة
_العيون دى بتفكرنى بالزومبى
اعتلت الصدمة ملامحها ولم تعلم ماذا تجيب ولكن خرج منها همسة مصدومة دون ان تعى
_هه
اومأ براسه يكتم ضحكته وهو يقول بسخرية
_اه عيون رمادى ورموش سودا طويلة وكحل اسود،يعنى اكيد بتفكرك بالمقابر والتراب
رمشت بعينيها لا تعلم ماذا تقول وما ان رفعت سبابتها لتصرخ به حتى تفاجئت به يتوقف وهو يقول ببساطة
_انزلى
رمشت بعينيها لا تعلم ماذا يقول ليجيبها بوقاحة
_ايه هتنامى هنا اليوم كله؟ انزلى وصلنا يلا عاوز اروح انام
زفرت انفاسها بغضب لتقول هى بتحذير
_مخلصناش، مش هسكتلك