_هو انت جايبه وعينك فيه
ارتفع حاجبه ليحيبها ببرود
_مش انتِ خايفة لتعضك! قولت اكلها بدل ماتترمى
ثم اشار بعدها بلا مبالاة
_كلى.. كلى.. طعمها حلو مش هتندمى
ظلت تنظر جهته بعيونها الرمادية لتزم شفتيها بضيق وهى تقضم منها
حول وجهه ينظر جهتها بين الحين والاخر يدقق بملامحها الجميلة لتقول بتعجب
_بتبصلى كدة ليه؟
اجابها ببساطة
_ملامحك شبه واحدة من اللى فى افلام أميرات ديزنى بتوع الكرتون
احمرت وجنتيها بخجل من اطرائه فى حين هو تساءل بتعجب
_هو كان اسمه ايه؟
نظرت له ترمش بعينيها تسأله بذهول
_هو مين؟
اجابها وهو ينظر لها تارة وللطريق تارة
_اللى كان فيه اقزام سبعة دة
ابتسمت برقة وهى تجيبه بخجل
_اسنوايت والاقزام السبعة
هز راسه ليقول
_اه انت شبه اللى كانت فى الفيلم
اتسعت ابتسامتها وهى تقول برقة غريبة
_الاميرة اسنوايت؟
_لا مرات ابوها الشريرة
تراجع رأسها للخلف بصدمة وكأن هناك من القاها بحجر، تنظر جهته بذهول وقد انعقد لسانها عن الكلام لتشير جهة نفسها قائلة بصدمة
_انتَ بتشبهنى انا بالساحرة الشريرة دى؟!
اومأ برأسه وهو ينظر امامه فى حين ابتسم بجانبية ليعود بعينيه جهتها قائلا بنبرة ساخرة
_اه اكيد، اومال كنتِ تفتكرى انِك الاميرة ولا ايه؟ يعنى انتِ مش الاميرة الجميلة خلينا واقعيين، بصى لنفسك كدة هو فيه اميرة لسانها طوله مترين