_انت.. انت.. انا مش عارفة اقول ايه
ضحك وقد نفذ اخيرا ما يريد بان جعلها تهدء وتصمت ليقول بهدوء
_طيب كويس ان انا قدرت اوقف لسانك عن الكلام
جاءت لتفتح فمها لتجده يشير بإصبعه يوقفها وهو ينظر جهة الطريق قائلا بتحذير
_يُستحسن بلاش كلام جارح لان لو لسانك طوله مترين ف انا لسانى عشرة فمش هتقدرى عليا، ف احتفظى بلسانك دة لنفسك
ثم نظر امامه قائلا بجدية وهدوء
_انا لما رحت عندكم اكلت وشربت وبينا عيش وملح ودلوقتى الوقت اتاخر واكيد ما اكلتيش ف لازم تاكلى بدل ماتوقعى من طولك
نظرت له ب اعتراض وجاءت لتخرج احدى كلماتها لتجده يقاطعها بهدوء
_نعمة ربنا ماتترفضش ولا يتقالها لا، امى دايما تقولى اللى يرفض النعمة تزول من وشه
رمشت بعينيها تنظر له ودون كلمة اخرى كانت تخرج الشطيرة من داخل الحقيبة تتطلع لها بخوف تحت نظراته المتعحبة ليقول هو بلا مبالاة
_ماتخافيش مش حاطط فيها حاجة اصفرة ولا حاجة، اصل مش هبلى نفسى بنفسى، البنات على قفا من يشيل مش هوقع نفسى مع واحدة لسانها طوله مترين
اتسعت عينيها لتقول بغضب
انت عارف انك رزل؟
اومأ برأسه يجيبها بهدوء
_وبارد كمان
لم يجد لسانها القدرة على الرد لتزم شفتيها بضيق ليرفع هو حاجبه لها، لتتفاجئ به مرة واحدة يمد يده الحرة من القيادة وهو يقطع من الشطيرة قطعة يضعها فى فمه وهو يهمهم بتلذذ لتقول هى بذهول