_بصى سواء انا او انتِ مش متلايمين على اعصابنا خلينى اتصل برافد ييجى ياخدنا للبيت ويوصلنا
همست اميرة بتعب:
_لا بلاش هتخليه يضرب المشوار على الفاضى ويتعب، وبعدين لو عرف اللى حصل هيحلف يمين تلاتة ما انتِ مخطية المكان هنا تانى دة لو ما اتحكمش فيا انا كمان
زمت شيرين شفتيها بضيق لتنظر جنا لهم وهى تقول بجدية:
_بصى اشربى الليمون وانا هروح اتطمن على باسل واشوف ايه اللى حصل ولو نفع يوصلنا تمام هو كدة كدة هيبقا خايف عليا، منفعش هنطلب اوبر ولا حاجة ونروح
تنهدت اميرة بتعب وهى تعود براسها للخلف ويبدو انها غير واعية تماما لما يقال ليرتعش بدن جنا عليها برعب وتساقطت دموعها عليها بخوف لتعود ترفع عينيها لاعلى لترى ذلك المكان الملئ بالدماء موضع القطة كما قالت الفتيات ثم تلك الحوائط المليئة بالدماء.
رجفة قوية اصابت جسدها من الخوف والرعب بالإضافة الى الاشمئزاز لتشعر بأن ساقيها لم تعد تحتملها وهى تتخيل المنظر لتشعر بهياج وبتقلب معدتها والهياج بها،امتلئت عيونها بالدموع على صديقتها لتتحرك بسرعة تترك المكان جهة زوجها تريد الاطمئنان عليه كما انها تريد ترك هذا المكان والذهاب.
كانت تركض بسرعة غير منتبهة لما امامها وقد غامت الرؤية بفعل غلالة الدموع امام عينيها لذا لم تلحظ ذلك القادم نحوها بعد ان اوصى الساعى على كوب العصير