تساقطت دموعه وهو ينظر جهتها ليقول بوجع:
_قلبى كان هيقف النهاردة من الخوف عليكِ، حسيت بإن حد سحب روحى، انتِ الوحيدة اللى بقيالى واللى بخاف عليها ف بلاش تعملى فيا كدة، بلاش يا ملكة قلبى واميرته تعذبى فارسك بالمنظر ده،
انا مجرد فارس فى مملكتك لكن الفارس ده وقع فى غرامك وما على القلوب من عتاب ف ارجوكِ، ارجوكِ يا اميرة مونى كويسة، انا بعمل المستحيل علشان تبقى كويسة بس لو جرالك حاجة هموت
ظل ينظر جهتها ليمسح بيده على خصلاتها بحنان وهو ينظر الى ملامحها الذابلة ليقول بالم وبكاء وهو يضع يدها على صدره بوجع:
_قلبى بيقولى انك موجوعة بس اه لو اعرف سبب وجعك همحيه، بس ياريت اعرف ايه اللى واجعك، ايه اللى تاعب قلبك لدرجة انك مع اول فرصة انهارتى ووقعتى كدة؟؟ ايه اللى معذبك يا ملكة قلبى واميرة كيانى؟؟
ارجوكِ يا اميرة انا عاوزك كويسة عاوزك اميرة اللى كنت دايما عارفها واللى دايما بتمشى شامخة بنفسها وواثقة فى ذاتها وميهمهاش حد، المرحة والقوية، مش عاوز اشوف المنهارة دى تانى ارجوكِ
مسح دموعه ليبتعد عنها يعود لمكانه ليسمع صوت الباب يُفتح
وضع نظارته اعلى عينيه وهو يتصنع الفرك بعينيه المجهدتين لتنظر له شيربن بهدوء وهى تقول بجدية:
_هتفوق امتا