اميرة مش قوية زى ما انت متوقع، اميرة هشة جدا والقوة دى قشرة بتختفى وراها، بس هى اميرة فعلا بس مش بقوتها دى برقتها،
اميرة ناعمة زى البلسم، اميرة تداوى اللى حواليها وتتجاهل جروحها وتسيبها تنزف لحد ما تقضى عليها وهى تتحمل الوجع لوحدها ومبتحاولش حتى تقول اى وكان الوجع والبكاء عيب،
فعلشان كدة ابعد عنها هى مش ناقصة وجع وتوتر فى حياتها، انت ليك خطببتك ولا حبيبتك فبلاش تلعب بمشاعرها بتدخلك فى حياتها بدون وجه حق وانك تتدخل فى قرارتها وحياتها وسيبها فى حالها
ضيق فارس عينيه متسائلا بتخوف:
_تقصدى ايه من كلامك ده؟؟ عاوزة توصلى لايه؟؟
ابعدت عينيها عنه تعيدها جهة تلك النائمة والتى لاتعى شئ من هذا الحديث الدائر وهى تقول بجدية:
_اللى اقصده قولته بصراحة وملوسش مفهوم تانى
فتح فمه للحديث ولكنه صمت حينما تعالى رنين هاتفها لترفعه على اذنها وهى تخرج خارج الغرفة قائلة بهدوء متالم:
_ايوة يا رافد رنيت عليك مرديتش
تابعها بعينيه حتى خرجت ليجر قدميه جهة تلك الغافية ليجلس على المقعد امامها يتمسك بكفها البارد بين يديه الدافئتين ليميل عليه يقبله بحب وخوف وقد امتلئت عيونه بالدموع ليهمس بصوت متألم:
_سلامتك ياقلب فارس، سلامة روحك ياروحى،
حرام عليكِ يا اميرة اللى عملتيه فيا النهاردة ده، انا كنت هموت فيها