اما هى فركبت سيارة اجرة وهى تبكى لتذهب لصديقتها وقلبها مفطور من الالم وبعدما تحركت بفترة انتبهت كون حقيبتها ليست معها لتقول للسائق بجدية:
_ معلهش ممكن ترجع انا نسيت حاجة هجيبها ونرجع نمشى تانى وهضاعفلك المبلغ
اومأ السائق برأسه بينما عادت هى للداخل تبحث عن حقيبتها ولكنها انتبهت الى صدى تلك الاصوات وبعدها اندلع الحريق لتصرخ بعدها بفزع ورعب لتبحث عن هاتفها ولكنها صدمت انها نسته بالسيارة بالخارج وليس من نجدة هنا
ــــــــــــــــــــــــــــــــــــــــــــــــــــــــــــــ
اما على الجانب الاخر كانت تنام بالمشفى بينما حقن هو المحلول المعلق بيدها بحقنة طبية لتنظر له شيرين وهى تقول بذعر:
_هتكون كويسة؟؟
اومأ برأسه وهو يخلع عنه نظارته يفكرك مابين عينيه بارهاق وهو يجيبها بصوت متعب:
_اه ساعة وهتفوق، كان عندها هبوط فى مستوى السكر بتاعها والضغط واطى فده اللى اتسببلها فى كدة، المحاليل اللى اتعلقتلها دى هتفيدها
تحركت جهة المقعد بجوار فراشها تجلس عليه ثم سحبت كفها تربت عليه بألم وبكاء لينظر لها فارس بجانب عينه وهو يقول بجدية متوترة:
_انا ملاحظ انها مرهقة من كام يوم، فيه مشاكل او حاجة؟ فيه حاجة تعباها؟
التفت شيرين جهته بصدمة لتساله بغموض:
_يهمك الموضوع؟؟