_انت بتقول ايه يا باسل؟؟
صرخ باسل بجنون:
_بقول اللى انا شايفه، بقول اللى بيكوينى، قلت انى راجل شرقى وما احبش حد يلمس مراتى علشان اجى الاقيها فى حضن حد تانى؟؟بعد كدة هلاقى ايه، هلاقى ايه؟؟
جملته الاخيرة صرخها بعلو صوته حتى كاد يمزق احباله الصوتية لتنظر له جنا بغضب ثم رفعت سبابتها صارخة بغضب:
_احترم نفسك وانت بتتكلم معايا او عنى، حتى وان كنت جوزى مينفعش تفكر فيا كدة، انا مش كدة.
سبق وقولتلك انى مش واحدة جاية من الشارع علشان تتعامل معايا كدة يا باسل، انا جنا…. جنا العربى لو ناسى، كل التفكير اللى فى دماغك ده مش حقيقى، انا مش عاوزة اقول كلمة عن تفكيرك اندم عليها بس تفكيرك فيا ده قذر وفيه مقولة بتقول كل اناء ينضج بما فيه وانت اللى فيه واضح،
انا مش مجبرة اوضحلك او ابررلك اللى حصل بس لانك علشان جوزى لازم تعرف مع انه وضحلك كويس، انا كنت هقع من على السلم، دوخت لانى ما اكلتش وبذلت مجهود النهاردة وبعدها الصدمة اللى حصلت ومنظر اميرة اللى كانت هتموت والدم اللى مالى المكان تفتكر انى ادوخ واهبط واكون هيغمى عليا حاجة قليلة وكنت هقع من على السلم لولا انه مسكنى
صرخ بها بغضب:
_ كنتِ ممكن تبعديه او تضربيه بالقلم