اتسعت عينى جنى بشدة لتضحك اميرة بشدة لتقول جنى بعدم تصديق:
_بتهزرى؟
هزت رأسها قائلة بضحك:
_لا والله
ثم استدركت بضحك:
_بس الضحك بقىٰ هو ان بابا حبه جدا
ثم اكملت بمرح:
_وبعدها اقف على النيل يوم خناقة رافد وشيرين الاقيه كان معدى بالصدفة وقف معايا ويقابل بابا تانى وهو راجع من مشوار وكان هيعدى عليا ويبدى اعجابه بيه، وبعدها يوم ما جيت اكشف اقابله فى المستشفى
اتسعت عينى جنى بعدم تصديق لتنطلق ضحكات اميرة بمرح لتقول بضحك:
_عرفتى ليه بقىٰ
ضحكت جنى بعدم تصديق ولكنهم تفاجئو بوقوفه امامهم وهو يقول بمرح:
_يلا يا برنسيسة انتِ وهى الشوفير جه
ضحكو بشدة ليتحركو للجلوس بالسيارة لينطلق هو بالسيارة وهو يسأل جنى عن عنوان منزلها ثم نظر لهم قائلا بمرح:
_مظنش بعد اللى حصل النهاردة تضحكو
انطلقت ضحكات الفتيات بالمكان لينظر لهم بتعجب ثم تجاهلهم ولكنه انتبه على سؤال اميرة المتعجب:
_بس مقولتليش يا دكتور كنت هناك فى المنطقة بتعمل ايه
هز كتفيه يجببها ببساطة:
_العربية عطلت قريب من المكان ولما سألت قالولى عن المركز ده وان صاحب المكان مهندس شاطر فجيبتها واتفاجئت بيكى هناك
اتسعت عينى اميرة بصدمة لتمتم بصوت لم يصل له ولكنه وصل لجنا واضحا:
_يا مكتر صدفك الغريبة يا اخى، صدقت لما قولت مش ناقص غير اشوفك فى بيتنا وتقول صدفة