ثم اعاد انظاره له قائلا بنبرة منتصرة
_وبعدين بين صاحبى وجنا فى بدايات مشروع جواز
احمرت وجنتى جنا خجلا فى حين انقلب وجه اميرة بحنق لتقول بضيق جاد وكأنها معلمة تعنف تلاميذ اشقياء لديها وقد ياست فعليا من تصرفاتهم الطفولية
_بس انتَ وهو انتو فاكرين نفسكم بتعملو ايه؟ ايه بتتخانقو على كورة مين يشوطها الاول؟
ثم حولت عينيها جهة رافد قائلة بجدية:
_متتعبش نفسك يا بشمهندس خليك بس هنا لاحسن شيرين تحتاج حاجة
ابتسم رافد قائلا بمكر:
_اسمى رافد بس يا اميرة، اصل مفيش بنت تقول لاخوها يا بشمهندس وانا دلوقتى اخوكى الوحيد وانتى اختى الوحيدة
كتمت جنا بالكاد ضحكتها على تصرفاتهم الطفولية بينما ابتسمت اميرة ب اتساع قائلة بمرح:
_طيب يا اخويا زوق عجلك وشوف العروسة واستغل الفرصة
ضحك هو ليغمز لها قائلا بمرح:
_تحت امرك يا جميل انا اخ مطيع لاخته
ضحكت بشدة بينما نظرت هى لفارس قائلة بجدية وقد استعادت قوتها وكانها لم تكن تلك العابثة المرحة الان:
_معلهش يا دكتور متتعبش نفسك
ثم امسكت يد جنا قائلة بجدية مرحة:
_يلا يا جنا شوفى اذا كنتى هتكلمى باباكى ولا ناخد تاكسى على حسابك ولا نركب مواصلات ونرحم الميزانية المخرومة بتاعتى
ضحكت جنا بشدة بينما تصنم فارس مكانه بعدم تصديق وهو يجدها ترفض ان يوصلها وقبل ان يفتح رافد فمه وجده يركض تاركا اياه واقفا وهو يركض خلف الفتيات لترتسم ابتسامة ماكرة على شفتيه وهو يقول بمكر: