هز رأسه بهستيريا وكأنها تراه ليقول بقوة:
_ابدا.. ليليان هى ليليان وهتفضل اجمل بنت فى الوجود واللى محبهاش يبقى اعمى، هو اعمى لانه مشافش حبك ومقدرهوش، وبمقدار الوجع اللى وجعهولك هيتوجع، اوعى تنحنى او تنهارى طول ما انا عايش على وش الدنيا، انا ضهرك وسندك وهفضل كدة العمر كله ومفيش انسان فى الوجود يستحق دمعتك دى حتى لو كان ابن توفيق الدمنهورى
صمت وقد توحشت نظراته ليقول برقة:
_انا جايلك يا ليليان، جايلك على اول طيارة، جايلك يا قلب اخوكى وهجبلك حقك
هزت راسها بهيستريا تقول بألم:
_حقى مش موجود، حقى مشاعر مش موجودة
اجابها بقوة:
_لا حقك كرامة اتهدرت وانا هاجى وأردها واعرّف ابن توفيق ان اللى سابها وتجاهلها جزمتها باللى اخدها واختارها
ارتفعت شهقاتها والتى كانت كخناجر تضرب قلبه ليقول بقوة:
_انا جاى يا ليليان
نفت برأسها قائلة ب ألم:
_ماتجيش وجودك مش هيغير حاجة
اجابها هو بقوة ممتزج بالحنان:
_لا هيغير وكتير اوى كمان، انا جاى لاختى وعاوز اكون جنبها، عاوز اورى للكل هى مين دى
ثم اكمل بغرور وثقة
_انتِ ليليان عز الدين واخت تامر عز الدين واللى مش عارف انتِ مين لازم يعرف
انهى كلماته ليغلق هاتفه وقد تحولت نظراته من حانية لاخرى شرسة مخيفة وقد اشتعلت نيران عينيه وتقسم على حرق الكل
قبض على هاتفه بقوة ليقول بصوت مخيف: