_قولتلك قبل كدة انسيه، امور القلب مش بإيدينا وانتِ مش فى قلبه، وهو كمان ما اداكيش اى احساس ب ده، قولتلك متتعبيش قلبك معاه لانه لو حاسس بيكِ او عاوزك كان قال
صمت لبرهة ليقول بجدية وهو ينظر فى عينيها بقوة:
_انسيه يا ليليان، انسيه واطلعى بره الدايرة المسمومة دى، كل ما خرجتى منها بدرى كل ما كان افضل، بلاش ترهقى مشاعرك وقلبك مع حد عمره ما هيحس بيكِ وانتِ مش فى دماغه
دخلت فى نوبة بكاء مريرة لتصرخ بالم:
_يعنى ايه؟
اجابها بقوة
_انسيه لانه مش قدرك
ثم حاول تغيير الموضوع ليقول بجدية:
_قوليلى بقىٰ انتِ كنتِ عاوزة ايه؟
ظلت تنظر له ودموعها تسيل على وجنتيها مسببة له الالم لتقول اخيرا بوجع:
_لا متاخدش فى بالك انسى، موضوع وملهوش لازمة
ودون كلمة اخرى خرجت من المكان لينظر فى اثرها بوجع، يعلم الله انه يتالم لاجلها، يتوجع لها ولكن ماذا عليه ان يفعل؟ هى بالنسبة له شقيقته وحذرها اكثر من مرة ولكنها هى من تصر على السير فى طريق ممتلئ بالاشواك ظنا منها انها ستصل ولكنها لن تفعل، فقط ستجرح اقدامها وتسقط وتنزف وتبكى ولن تصل، حذرها اكثر من مرة، قالها صريحة، حتى ان باسل تجاهلها كثيرا منبها لها صراحة انها اخته ولكنها فقط لا تهتم سوى بما برأسها فلا يعلم ما يجب عليه فعله،