انتفض من مكانه قائلا بعدم تصديق وقد ارتسمت ابتسامة سعيدة على وجهه:
_ياراجل!! بتتكلم جد!!
ثم قبل ان يجيبه كان يحسم امره وقد التمعت عينه ببريق مختلف وارتسمت ابتسامة عاشقة ممتلئة بالمكر على وجهه قائلا بجدية:
_انا جاى معاك
ضحك باسل بشدة وقد علم ما يريده الاخر ليقول بمرح:
_بصفتك ايه؟ انا رايح انا واهلى انتَ جاى ليه
اجابه نبيل فى المقابل بمكر:
_جاى مع صاحبى اجمد قلبه واقف معاه
نفى باسل برأسه وهو يهبط من سيارته متجها صوب مقر شركته قائلا بسخرية:
_لا ياراجل هو احنا داخلين حرب
اجابه بمكر:
_اكيد
ضحك باسل بشدة ليقول بمكر:
_مش عارف ايه حبك فى النحل، بتجرى عليه ليه وانتَ عارف انك هتتقرص؟
ضحك نبيل وقد علم انه كشف اوراقه ليهبط يجلس بمقعده قائلا بمرح:
_عيبك انك فاهمنى
ثم اكمل بمرح بهدوء شديد:
_وبعدين يا اخى بحبه، انا بحب النحل والعسل، وبعدين متقلقش على اخوك اصل قرصة النحلة مفيدة
ضحك باسل بشدة وهو يفتح باب مكتبه قائلا بجدية:
_طيب اشرب بقىٰ، حب النحل براحتك بس بعدين متجيش تشتكى منه ان قرصه وزنه خرجك عن اعصابك
ضحك ليقول بمرح:
_انت اخر واحد تتكلم يا بتاع الاحلام، ده انت بينطبق عليك بيت الشعر اللى بيقول
(وانى اهوى المنام فى غير حينه.. لعل لقاء فى المنام يكون)