_مش هتقوليلى ايه اللى حصل؟
سحبت شهيقا طويلا داخل صدرها ثم اومأت برأسها وكعادتها قصت عليه كل شى دون ان تغفل عن اى تفصيلة ف ان كان والدها برع فى شئ ف هى انه استطاع ان يكون صديق متفاهم كسب ثقتها كاملة لينظر لها قائلا بمرح:
_لا ده فيلم هندى فعلا
ضحكت وهى تومئ براسها ليصمت وهو يحك جانب ذقنه ليناديها بهدوء بإسمها لترفع عينيها بنظرات مستفسرة ليسألها بعيون متعجبة:
_وايه اللى جاب فارس هناك
هزت كتفيها وهى تعود لتضع رأسها على كتفه قائلة بجدية متعجبة:
_ما انا قولتلك قال ان عربيته باظت وجه يصلحها عند رافد واتفاجئ بينا ولما حصل اللى حصل جه ورانا وساعد
صمتت لتقول بتعجب:
_بس ان جيت للحق حتى انا بتفاجئ بصدفه دى، ده انا بتصادف فيه امتر من الجيران اللى بشوفهم فى شارعنا ده انا لو مراقب تحركاتى مش هقابله كدة وكل مرة فى مكان مختلف بصدفة اغرب
زفر انفاسه ينظر امامه بتعجب لتكمل هى ساخرة بمرح
_مبقاش غير انى اشوفه فى محلنا بيكوى هدومه ويقزلنا صدفة كدة هتبقى كملت ويبقى جمع مصر كلها فى جيبه من الصعيد لهنا
ضحك سعد على طرفتها ليصمت لبرهة ثم مال مقبلا خصلاتها بحنان وهو يقول بحب
_اميرة
رفعت عينيها جهته ليقول بحنان:
_احيانا الحياة بتخلينا نمر بتجارب صعبة التجارب دى لو مكناش اقويا هتنهينا، لازم نعرف ان قوتنا فى قلبنا ونعديها، ولازم نعرف ان قلبنا اهم دليل بس لازم نمشى القلب مع العقل لان لو مشنا قلبنا بس هنقع فى كارثة ولو عقلنا بس ممكن نعيش تعسا طول عمرنا فلازم الحكمة تكون مقرونة بمشاعر وعوطف تمشيها، فاهمانى؟