زم شفتيه بضيق ليقول
_هو ايه اللى مش سخن، هو انا بقولك هسافر المريخ، انا بقولك هتجوز
ارتسمت السعادة على وجهها قائلة بفرحة
_يعنى انتَ مش بتهزر يا باسل؟
ارتفع حاحبى باسل بصدمة من اجابتها تلك ليقول ساخرا
_هو انتِ ليه مصدومة اوى كدة وكأنى اكتشفت اعجوبة الدنيا التامنة امال هتسيبى ل طنط سعاد لما يكلمها نبيل
هزت كتفيها تجيبه ببساطة
_لا سعاد وقتها ممكن يجرالها حاجة من الصدمة كون ان نبيل يتصرف كشخص طبيعى، انا اصلا اشك انه جاى من الفضاء الخارجى من كوكب الجليد
ضحك بشدة على حديثها ليجيبها مرحا
متقلقيش لكل لوح تلج شعلة قادرة تدوبه
وكانت اجابتها هى الصادمة له وهى تجيبه بلا مبالاة
_ده ان كان لوح تلك لكن دة القطب الجنوبى نفسه، ده ميقدرش يدوبه غير انفجار بركانى
ضحك بشدة على حديثها وهو متأكد من كلماتها ولكن يبدو ان نبيل وجد ذلك البركان الذى سيذيبه فى حين لفت هى وجهها جهته لتقول بجدية
_قولى بجد بقا انتَ بتهزر ولا بتتكلم جد؟
ابتسم جهتها ليقول بجدية
_والله بتكلم جد انا عاوز اتجوز وكنت هكلم بابا ياخد ميعاد من والدها
ابتسمت بسعادة لتقول بفرحة شديدة
_ودى مين دى بقى اللى قدرت تعمل اللى غيرها مقدرش يعمله؟
صمتت لبرهة لتقول ب ادراك