رواية هو لا يشبههم الفصل الرابع 4 بقلم تبارك الوائلي – للقراءة المباشرة والتحميل pdf
ابو صالح: هله خويه ابو هدى.
أبو هدى:هلا بيك خويه ها بشرني اليوم شسويتوا
ابو صالح: انجمعنه وهو اجه وكعد وحطينه كل اعيوب زوجته كدامه وهو انصدم بيهن كلهن.
أبو هدى: وشلون صدك بيكم.
ابو صالح: لا طلع سعد هم شايفها بعينه وحلف بالقرآن بلي حجى الهم والكل صدك الا هو.. بالأول ماصدك وصار عصبي وكام سعد الحقير ودفره برجله.. كله أنتَ ليش مصدك..واني كمت حطيت سعد وكتلته.. مهما يكون يبقه عمه ومو من حقه يمد ايده عليه.
أبو هدى: افااا ياخويه هاي هيج واصله بينكم المشاكل.
ابو صالح: بس الحمدلله نحلت وافق يطلك وراح يروح باجر يوديها لأهلها ويطلكها.
أبو هدى: وهاي الطفله شنو ذنبها.
ابو صالح: ماعليها شي تبقه يم ابوها شكو عليها.
أبوهدى: والله ما ادري شكلك زين أهلها شلون راح يتقبلون السالفه الله يعينهم.. يعني هسه ابو حسان راح يبقه كاعد وحده هو وحمودي وهاي الطفله.
ابو صالح: لا الطفلة راح يوديها يم أم بسام.
أبو هدى: ها خطيه.
᯽⊱┈──╌❊╌──┈⊰᯽
«جمانه» جنه انظف البيت واندكت الباب طلعن عماتي جايات.
جُمانه:يمه اجني عماتي ام بسام وام يسر.
أم صالح: هلا هلا بيهن زارتنا البركة.. هله بـ بنات خالتي اليوم منورات البيت.