رواية هو لا يشبههم الفصل الرابع 4 بقلم تبارك الوائلي – للقراءة المباشرة والتحميل pdf
جُمانه: متشوفين ابويه وصالح من ورايه تعاركوا
لا حبيبتي لتبجين أنتِ شعليج.. هوه صالح هم ما ادري شلونه كبر السالفه.
ابو صالح: تعالي جمانه ليش تبجين بابا.. اسكتي ماقبل شلون دموع بعيونج من اموت اني يلا تبجين محد يستاهل تبجين عليه غيري.
جُمانه: لا اسم الله عليك بابا ليش هيج تحجي.
ابو صالح: لعد اسكتي وتعالي اكعدي خلي احجي وياج اني اعرفج أنتِ ذكيه ومطيعه.
جُمانه: اي بابا كول.
ابو صالح: أنتِ هسه من دخلتي بل 16 يعني طبيتي بمرحلة جديدة بحياتج وصرتي شابه يعني كبرتي مو ذيج جمانه الي تلعب بالشارع وتطلع ويا امها وين ماراحت لان عيب كبرتي والعالم راح تحجي من تشوفج.
جُمانه: اي بابا فهمت.
ابو صالح: اي هسه احنه بزمنه هذا يزوجون البنات
وهنه بعمر 12سنه.. وأنتِ سمعتي بزواج المبكر الي يطلع بالتلفزيون الي اكو هواي ناس هسه مأيده عليه يعني هسه أنتِ كدام الناس شابه وبالغه لازم تغيرين كل تصرفاتج لان كبرتي.
جُمانه: اي بابا فهمت.
ابو صالح: يله ماريد بعد بجي ابد خوش.
ابو صالح: يله روحي الفرح خلي اتصب الغده علمود نتغده اني وياج.
جُمانه: اي والله جعت.
ابو صالح: ها شحجينه قبل شويه مو كلنه تتصرفين مثل الكبار.