رواية هو لا يشبههم الفصل الرابع 4 بقلم تبارك الوائلي – للقراءة المباشرة والتحميل pdf
ابو صالح: ها ها بدينه من هسه الغيره اني مابدلج بكنوز الدنيا ههههههههه.
صالح: اي جمانه من يجي ابني اريدج تهتمين بي.
جُمانه: اي واشتريله والعب ويا.
صالح: اي عفيه غير عماته انتن.
جُمانه: اي عيني طبعاً يدلل هو وابو.
ابو صالح: يا الله دايمة.. الحمدلله والشكر نعمة فضيلة يابه شهد جيبيلي الجاي.
شهد: اي يابه صار.
سُندس: عمه راح اروح ارتاح اني بغرفتي.
أم صالح: اي عمه روحي.
جُمانه: اي يابه سويت على شغله عمي وزوجتة؟.
ابو صالح: اتفقنه على الجمعة نكعد نحجي ونتفاهم.
جُمانه: الله كريم.. وتتصور عمي يطلكها.
ابو صالح: اي طبعاً.
جُمانه: والله يابه ما اتصور يطلكها عمي.
ابو صالح: غصباً عنه يطلكها مو بكيفه يريد يضحك العالم علينه من تالي.
جُمانه: الله يهدي.
ابو صالح: رايح انام اني.. تصبحون على خير.. يله ام صالح تجين تنامين.
أم صالح: اي عينه اجيت.
شهد:ها شحجيت مو كتلج سندس كيفت.
فرح: شهد شجلبتي عليها عوفينه منها يمعوده.
شهد: سمعتي شكال ابويه.
فرح: اي خيه سمعت.
شهد: خلي انام احسن هيه هم احظوظ الجايفات.
فرح: يله نامي واسكتي.
أم صالح: يله فرح يمه كملتي طبخ روحي دكي على خالتج من ام ميس كليله اي اروح خلي تجيني الجمعة.