رواية هو لا يشبههم الفصل الخامس 5 بقلم تبارك الوائلي – للقراءة المباشرة والتحميل pdf
أم صالح: هسه شلون ام دميعه محد يكدر يحجي وياج بس كليلي ليش يمه.
جُمانه: مااريد اعوفكم مااريد كافي.
أم صالح: حبيبتي أنتِ خطوتين عنه.. ومو بعيده علينه والله منلگة احسن منه الج اقبلي الخاطري اني.. زين هسه فكري وبعدين يصير خير خلي اشوف ابوج ولتحجن كدامه هل حجي عيب تره هيج حجي اني ويا بس ماشي.
فرح: اي يمة اي.. ان شاءﷲ اتصير القسمه وتتزوج جمانه ونفرح بيها.. اني شايله هم شلون راح تطلع بالفستان جمانه گمر والله گمر.
جُمانه: هو هذا الهامج فرح الفستان؟
فرح: اي ليش لا.. يوم الـ ألي والبس اني الفستان واصير عروسة.
أم صالح: اي يمة ان شاءﷲتصيرين احلى عروس وتلبسي.
أم صالح: ها وين رايحة؟.
جُمانه: اريد اروح اصلي اذان الظهر.
أم صالح: اي روحي حبيبتي الله يهديج.
فرح: اوكفي انصلي وياج.. يلا شهد امشي انصلي سوه.. ليش ساكته ماسمعنه صوتج.
شهد: والله ماادري.. بس مو بعدها جمانه صغيره على الزواج.
فرح: خاب متسكتين شهد احسنلج وتكرمينه بسكوتج.. يلا توضي خلي نصلي ابويه على جيه .
«جمانه» رحت توضيت وصليت واني ضايجة من هاي السالفة.. اني شنو ذنبي كلها تكلي موكفه نصيب خواتج.. اذا هو نصيبهن بعده ما اجه اوفف ياربي ساعدني اصلي وادعلي واني ابجي.