رواية هو لا يشبههم الفصل الخامس 5 بقلم تبارك الوائلي – للقراءة المباشرة والتحميل pdf

داوود: صدك تحجين يمه اني اريدها ليش خالتي اتفرق.

أم حميد: داوود على كيفك انت مو تريد تسافر على مود شغل سد السالفه.. وحتى اذا انطوها الك متعرف شيصير هناك.. بله بقيت ومارجعت.. شفت غيرها تبقه رابط البنيه بيك سنتين لا انساها وتوكل وسافر انت سفرك بعد اسبوع.

داوود: الله كريم اني طالع.

أم حميد: شفتي سوده عليه شلون مقهور.

كواكب: شبيدنه عليه يمه وأنتِ هم ما ادري شلون تحجين.

أم حميد: والله العظيم ماقصدت هيج اني حجيت على نيتي مامقسومة النه يمه هذا هو.

حميد: السلام عليكم.

أم حميد: وعليكم السلام هله يمه حميد.

حميد: الجماعة مستعجلين يكولوه هل الأسبوع ويزفون سرور.

أم حميد: ان شاءالله يمه.. الله يتمم الها على خير.

حميد: ان شاءالله يارب.

᯽⊱┈──╌❊╌──┈⊰᯽

«بيتابو حسان»

ابو حسان: محمد بابا الباب يندك.

مـحمد: اي يابه رايح.. هله حسان هله بيك… يابه اجه حسان.

حـَسان: شلونك يابه.

ابو حسان: هله هله يابه.. هله وليدي اجيت عليه..

اخ ياوليدي واني طردتكم من البيت وانتَ جايني.

حـَسان: لا يابه ميخالف أنتَ تبقه ابونا.

ابو حسان: اي والله والنعم من تربيتك.. عرف ابو صالح شلون يربيكم.

حـَسان: الحمدلله تعلمنه على الحنية وطيبة الگلب.. يابه اريدك تجي تعيش بـ بيتنه وهذه البيت تعوفه بعد يومين يستحق ايجارو راح اجيب سياره واخذ غراضك يمنه تعيش أنتَ ومحمد.