رواية هو لا يشبههم الفصل الخامس 5 بقلم تبارك الوائلي – للقراءة المباشرة والتحميل pdf
جُمانه:روحي عيني ارتاحي.
᯽⊱┈──╌❊╌──┈⊰᯽
« بيت أم بسام»
ام بسام: ها طيبه منو على الخط.
زينة:الو هلو يمه شلونج شخبارج.
أم بسام: الحمدلله حبيبتي فدوه الكلبج.. اي خطبنه جمانه. الجمعة ان شاءالله نجيب الذهب.. وهم كولي الـ ساره أنتِ.. ان شاءالله اسوي لأخوجن حفلة خطوبة وتجن تفرحن لأخوجن.. ان شاءالله حبيبتي اي والله وين يلكه احسن من جمانه جمال وادب واخلاق والكل يتمناها ان شاءالله تصير من نصيبه واعقد سيد.. وأأمن انو صارت صدك خطيبتة
.. اي والله بلكي يكعد ويعقل ويبطل سوالفه العوج ان شاءالله يارب بس خلي اجيب الذهب والعالم كلها تعرف انخطبت.. اني هم راح اكللهم نسوي حفله تلبيس الحلقات.. وبعدين لهناك واكللهم خلينه نسوي عرس ما اخليها سنتين هسه انزفا شبيج.. دخلي بس يوافقون على الحفله اول وبعدين الله كريم خلي ازوجة وارتاح.. حتى ارجع من المحل الكه لكمه اكل شي.. اي يمه ادري بيها كلشي متعرف.. اني قابله ان شاءالله اني اعلمها على كل شي بس خلي تجي يمي والله كريم.
᯽⊱┈──╌❊╌──┈⊰᯽
أم حميد: داوود سد السالفه كافي جمانه مو من نصيبك كافي يشهد ربي اني احبها وتمنيتها الك والله مو قصدي هيج من حجيت ويا خالتك وتكدر هسه خالتك تغير رايها لان هسه حاجين بس حجي.. بس هيه مقتنعه متنطي اليه.