وكامت سوسن اتجيب زوجها وتجي علينه خطار ومن تجي على ابوها ماتبقى يمه بس ساعة..بس احنه تبقى يمنه من الصبح للمغرب وتروح ويه زوجها.. لان بسبب زوجه ابوها متحبهم ابد..
رواية هو لا يشبههم الفصل الثاني 2 بقلم تبارك الوائلي – للقراءة المباشرة والتحميل pdf
نجي لعمي الصغير ابو هدى (ابو البنات) وهنا اجته الفرحه الي يحلم بيها.. الحمدلله اجا ولد على 6 بنات والكل فرحان اله وسووله الذبايح والعشه والعالم والحفله.. الكل اجه ونجمع بـ بيت عمي ابو هدى شفت اسامه ابن عمي هنا نضرته اليه مااعرف مختلفه ماادري حسيته جان يراقب كل تحركاتي.. بس جنت عقل طفله ومااعرف شي
واجت خالتي هم تبارك العمي واجو ولدها الجبير والصغير وياه.. هنا هم انتبهت على ابن خالتي يباوع بوجهي كل ما اطلع واطب اشوف عيونه ورايه ويبتسم كل ماشفته.. حجيت بگلبي اليوم شبيه وجهي هم ابن عمي يباوع بي وهم ابن خالتي شنو سامعين عليه شي؟
هنا اني جان عمري 15سنه وتركت المدرسه طبعاً جان عندي الانكليزي صعب حيل وماعندي احد يقرينيا.. وبنفس الوقت اجه علينه عمي ابو هدى وحجه حجايه وگال لأبويه امشي بالشوارع واشوف بنات المدارس متواعدات ويا شباب واكفات يحجن بالشارع
هنا اني انجرحت وكلت ليش هيج حجه عمي قابل كلها سوه..و كلت بعد ما اروح للمدرسه.. بعد مااروح ولا اريدها اكعد بـ بيتي واسكت احسن