هاي اختي الصغيرة، كالت والله اول مره اشوفها ربي يستر عليها كلتلها اي هيه ماتحب تطلع.
رواية هو لا يشبههم الفصل الثالث 3 بقلم تبارك الوائلي – للقراءة المباشرة والتحميل pdf
فرح: اي اذا هيه متطلع طبعاً محد يعرفها.
أم صالح: يله فرح عوفي السوالف راح نتأخر على السوك اطلعي كدامي.. شهد يمة سدي الباب ورانه وسندس عمه أنتِ طبخي الغدة.
راحت امي وفرح للسوگ وبقبنه احنه نعزل بالبيت ونظف.. كاعد انظف واسمع سندس تحجي على امي…
سُندس: هسه أنتِ وكتج طالعه للسوك واني اكعد هسه اطبخ.
جُمانه: اي واذا طبختي ست سندس شنو راح ينقصين منج شي.. اشو فرح يوميه تطبخ.. وهيه وين رايحة قابل تتونس راحت للسوك.
سُندس: اكلج بله اسكتي اني ماكلت شي لاتسويلج مشكلة.
جُمانه: ها اني اسوي مشكلة.
صالح: سوسن وين ملابسي مو كلتلج طلعيهن.
سُندس: اي اي صالح هسه مو اريد اطبخ امك راحت هيه وفرح للسوك ولازم اني اطبخ اليوم.
صالح: اي وشبيج مخبوصه قابل شراح تطبخين.. دطيني ملابس اريد اطلع للشغل..وعود روحي اطبخي.
سُندس: اي اي رايحه اوفففف.
شهد: هاي شبيها العوبه خابصه روحها اليوم.
جُمانه: اسكتي شهد لتسوين مشكله وامي طالعه اسكتي.. هيه وزوجها أنتِ..احنه ماندخل بيناتهم.
شهد: يله راح اروح اكنس اني البيت وأنتِ روحي كملي شغلج.