(6 بنات) ربي عوضك الحمدلله الف مبروك اخويه.
رواية هو لا يشبههم الفصل الثالث 3 بقلم تبارك الوائلي – للقراءة المباشرة والتحميل pdf
أبو هدى: تسلم ابو صالح يوم الولد الصالح وتفرح بي هم وحيدك.
ابو صالح: ان شاءالله يارب.
أبو هدى: سمعت خاطبين جمانه؟.
ابو صالح: اي مانطيتها تعرف بعدها صغيره.
أبو هدى: اي اكيد.. ماشافن فرح؟.
ابو صالح: هيه جايه على جمانه.
أبو هدى: ها الله كريم ان شاءالله يجي نصيب زين الفرح وتفرح بيها.
ابو صالح: ان شاءالله يارب.. عرفت حسان واسامه مأجرين بيت لان مستلمين اول رواتب الهم وشفتهم بالسوك يشترون غراض البيتهم.
أبوهدى: اي خطيه يستاهلون.. شكو بيها ابوهم مابي خير عليهم حاير بمرته وبنته الصغيرة.. عبالك اول مره يخلف مادري الاسر مأثر على عقله.
ابو صالح: لا ابو هدى ماأثر الاسر عليه بس هوه لأيم من صغره انتَ ماتعرفه بكدي جنت صغير انت.
هم جان من نطلع نشتغل بالحلال يشلع گلب ابويه وميريد يشتغل.
أبو هدى: الله يهدي منكول غير شي.
ابو صالح: اي والله.
فرح: ها هديل كيفت من جابنه ابويه كلنه عليكم.
هديل: اي والله حتى احنه فرحنه بجيتجن.
جُمانه: ولج مروه.
جُمانه:شفتي المسلسل البارحة؟.
هديل: اوففف جمانه ومروه همهن بس المسلسلات هنيالجن واحنه حايرات بالطبخ والخبز.