هاي لو مخلفتله ولد شسوه..جايبه بنيه ومحتار بنته الصغيرة.. وميصدك بكلام اخوتي.
رواية هو لا يشبههم الفصل الثالث 3 بقلم تبارك الوائلي – للقراءة المباشرة والتحميل pdf
أم صالح: ميخالف عمه جاشنسوي هذا ابوكم من يومه هيج هو يحب المره ويدللها ويبديها حتى على اهله من ايام امج الله يرحمها هيج جان ابوج.
سوسن: تدرين عمه ربج مايكطع طلع تعيين اخوتي الحمدلله بجيش وراح يداومون عگب باجر..
والله فرحت الهم وكلتلهم أأجرلكم بيت واشوف الكم نسوان وازوجكم وان شاءالله يعوضكم خير.
أم صالح: خطيه الف مبروك يستاهلون كل خير والله اني احبهم مثل صالح والله ولو اني كلكم احبك ما افرق بينكم والله.
ابو صالح: عوفي هاي السالفه عليه راح اروح البيت اخويه ابو محمد وراح احجي ويا بسالفه مرة ابوج لازم انشوف حل الها لان بعد ماينسكت عنها ابد.
سوسن: اي والله عمي ياريت.
᯽⊱┈──╌❊╌──┈⊰᯽
أم بسام: ها يمه طيبه ليش ضايجه تره كم يوم وتجينه زينه خطار وتزورنة.. شلون لعد قابل اكعدها بالبيت.. اني هسه ارتاحيت من زوجتها وبقت عندي ساره هم لازم ازوجها وارتاح من هم خواتج عاد اصد على اخوج بسام اشوفله مره وزوجه
طيبة: يا يمه تحجين صدك بسام بعده صغير كل عمره 17 وتردين تزوجي.. ليش مستعجله عليه.
أم بسام: لا يمه هوه وحيدي وماعندي غيره اريد ازوجه بهيج عمر علمود اشوف خلفته وافرح بيهم واريده يخلف هواي علمود يكبرون ويا وبعمره يصيرون.. تدرين طيبه ابوج اصغر من بسام من تزوجني عمره 15سنه.