رواية هوس مجهول الفصل الخامس 5 بقلم ڤونا
_بليل هتبقي مراتي بمزاجك أو غضب عنك!
قال كلامه وخرج من الأوضة،وقفت مكاني بصدمة من كلامه!
ده مجنون ويعملها زي ما خطفني وجابني هنا!
فضلت أفكر كتير،دماغي كانت واقفه مش عارفه اتصرف!
من جوايا كنت بدعي أن تحصل معجزة وتخرجني من هنا!
كنت عماله ألف في الأوضة بتوتر،أوضة مفيهاش ولا بلكونة ولا شباك.
الوقت بدأ يعدي وأنا خوفي بيزيد .
الباب اتفتح فجأة ودخل منه چون بصلي بصة مريبة وكان في علبة في ايده، قرب مني وبعدين مسك ايدي وحط فيها العلبة.
_ اجهزي عشان ساعة بالكتير وهدخلك تاني!
قال كلامه وخرج.
بفتح العلبة لقيت فستان ابيض وهيلز.
ده شكله اتجنن علي الآخر بقى، ماشي يا چون أنا هوريك.
رميت العلبة بعيد،مرت ساعة ولقيته دخل شافني وبصلي بضيق بعد ما شاف العلبة مرمية علي الأرض!
قرب مني بضيق ومسك ايدي جامد.
_هو أنا مش قولت تجهزي.
زقيته بكل قوتي.
_ وأنا مش هعمل اللي علي مزاجك أنت فاهم!
بصلي بغضب وقرب مني جامد.
_ ماشي يا مريم كلها دقايق وهحاسبك علي قلة ادبك دي!
مسكني من ايدي وسحبني وراه برا الأوضة وكل ده بحاول ابعده عني بس قوته كانت أكتر مني!
طلعنا برا الأوضة وكنا علي استعداد اننا ننزل تقريبا.
وإحنا متجهيين للباب كان في ترابيزة صغيرة عليها كباية كبيرة ازاز بصيتلها وبعدين بصيت علي چون وهنا كنت لازم أخد الريسك.
أول ما قربنا من الترابيزة دي مسكت الكباية بسرعة وضر*بته علي دماغه.
صرخ بوجع ووقع علي الارض، دماغه اتفتحت والد*م ملى المكان.
كنت بترعش من الخوف بس حاولت اهدي نفسي،جريت علي الباب فتحته ونزلت جري.
نزلت علي السلم بسرعة جدا لدرجة أني كنت هقع كذا مرة.
نزلت الشارع،معرفش أنا فين ومعيش موبايل.
فضلت أجري بلا هدف،مش عارفه رايحه فين بس بجري!
لقيت سوبر ماركت بعيد فجريت عليه علي طول.
أول ما دخلت صاحب المكان بصلي بأستغراب من منظري وإني كنت بجري، قربت منه بسرعة.
_ لو سمحت معلش ممكن اعمل مكالمة أبوس ايدك.
بصلي بتعاطف وعطاني الفون وهنا رنيت علي يوسف.
_ ألو
ـ أيوة يا يوسف أنا مريم.
اتكلم بلهفة_ مريم أنتِ فين وايه اللي حصل.
عيطت_ هبقى احكيلك بعدين بس تعالى الحقني قبل ما چون يوصلي أرجوك.
ـ اهدي اهدي وقوليلي أنتِ فين.
عيطت أكتر_ مش عارفه.
ـ اهدي طيب ولو حد جنبك خليني أكلمه.
بالفعل اديت الفون لصاحب المحل وكلمه وقاله العنوان ويوسف قاله نص ساعة بالكتير وهيبقى عندي.
خلص المكالمة وحاول يهديني حتى جابلي أكل وعصير بس أنا مكانش ليا نفس خالص.
_ اهدي طيب،طب قوليلي حد كان بيضايك ولا ايه.
كنت بعيط وبس لغاية ما سمعت صوت سببلي رعب!
ـ بتضربيني وتجري يا مريم.
بصيتله برعب وأنا ببعد وبقف ورا صاحب المحل.
كنت بتكلم برعب_ ابعد عني ابععععد.
كان باصصلي بشر وقرب مني بس صاحب المحل وقف قصاده.
_ ما قالتلك ابعد.
بصله چون بعصبية وفجأة ضربه جامد خلاه وقع علي الأرض.
بعدين بصلي بشر وبدأ يقرب مني!
_ أنتَ مجنون يا چون، مجنووووون!
أنا مستحيل أبقى ليك.
فصول الرواية: 1 2