يبتسم اسد ويقول.ومش ناقصني ليه ياخويا معقول بعد ما عملت نفسك العاشق اللي يموت ويضحي بحياته علشان حبيبته تسيبها كده حتي من غير مبرر زي الناس يا عم ده انا قولت أن قصة حبك أسطورية اتريك طلعت لمؤاخذه وسابت البت من قبل اول قلم حتي
ينهض صقر ويمسك علبة السجائر ويضع سيجاره بفمه ويشعلها ويأخذ نفس كبير وينفخ الدخان أمامه ويقول.بيني وبينك بت عمك انا وهي مبقاش تتنفع للبعض هي شايفني بشكل تاني وانا مش هستحمل اكمل معاها وهي شايفني كده بت عمك جات علي كرمتي ورجولتي وانا فاض بيا ومش هقدر استحمل اكتر من كده
يبتسم اسد ويقول.يبقي حبك كدبه يا صقر وطالما هانت عليك تقول عليها الكلام ده وانت اكتر حد عارف وفاهم ايه اللي جوها تبقي لمؤاخذه محبتش بجد وبنسبالك الحب هو انك متخليش حد يقربها يبقي ده تملك مش حب
صقر بغضب شديد وصوت عالي.انتوا مالكم انت وبت عمك يا اسد بتتشككوا في حبي ليها ليه
يأخذ اسد منه السيجاره ويأخذ نفس كبير منها ويقول.انا بقول اللي انا شايفه مليش دعوه ببنت عمي والله اللي بيحب بجد لا هيفكر في كرمته ورجولته بينه وبين البت اللي بيحبها وانت لو حبيت بت عمي بجد مكنتش دلوقتي بتقولي انك مش هتقدر تستحمل اللي يحب يستحمل جبال من نار مش انت من حتت خناقه انت عارف ومتاكد انك غلطان فيها قرارت تسيبها وتمشي