ينفخ صقر الدخان من فمه ويقول بغموض وهو ينظر امامه.امريكا
يتصدم اسد ويقول.انت مجنون يالا صح انتوا الاتنين لازم تبعدوا فتره عن بعض علشان تشوفوا مشاعركم ناحية بعض هتكون ازاي بعد الفراق ده بس مش سفر للامريكا يا صقر خليك في مصر انت كده ممكن تخسرها طول عمرك يا صاحبي بلاش علي شوية كلام اتقالوا وقت عصبيه تضيعها من ايدك هي واحده مجروحه وحقها تقتلك كمان علي كلامك ليها ده وانت اللي المفروض تحارب وتخليها ملكك وليك بلاش تضيعها بشكل ده انت اللي هتخسر في الاخر
ينظر اليه صقر وهو يغضب منه بشده بأنه يتحدث علي بتول بهذه الطريقة ليقول بغضب شديد.ولااااا متعصبنيش علي اللي جابوك دلوقتي وبلاش تتكلم عليها كده انا بلعت انك اتكلمت معاها وهي عارفتك اللي بينا بمزاجي بلاش تخليني اسود عيشتك وعيشتها دلوقتي
ينفخ اسد بقوه كبيره ويقول.بت عمي متجوزه واحد تور والله البت دي لو جدعه وبت راجل صح تولع فيك عايش والله يا صقر
يغلق صقر الباب بقوه كبيره وكان ان يذهب اليه ليلكمه لاكن يقول اسد.ما خلاص يا عم في ايه اومل انت عملتني ملطشه لاهلك ولا ايه
يأخذ صقر نفس كبير من السيجاره ويقول.غور يالا انا غلطان اني واقف مع اشكالك
يذهب اسد الي سيارته ويفتح الباب ويقول وهو ينظر الي صقر.ابقي فكر كويس اوي واعرف انك لو سافرت دلوقتي هتكون بتتخل عن مراتك وهي مش هتفكر غير في كده واعرف كمان ان انت اللي المفروض تسامح وتغفر علشان الغلط من الاول عندك انت ودي رد فعل طبيعيه عند ايي واحده والله مستعد تخسرها سافر ومش عايزين نشوف وشك تاني مش مستعد أصبر واستحمل وحاول بدل المره مليون معاها لحد ما تبقي في بيتك وملكك الحب سهل اوي وايي حد في الدنيا كلها يقدر يحب بس مش ايي حد يعرف يحافظ علي الحب ده مفيش غير الراجل اللي يحافظ علي حبه ويكون مع حبيبته تحت ايي ظروف يا رب تكون وصلتلك صح يا كينج