ينظر ايهاب أمامه ويقول.خلاص اهدي يا رنا خالص علشان عصبيتك دي هتسوا الموضوع اكتر اهدي علشان تعرفي هتعملي ايه
تنفخ رنا بقوه كبيرة وتقول.انا تعبت تعبت وعايزه اخلص من بتول واشيلها من طريقي خالص يا ايهاب بتول وجودها مدمر حياتي ولو هي مشيت انا هعيش مرتاحه اتصرف علشان خاطري لو بتحبني اتصرف وخليها تبعد عن صقر حتي لو هقتلها
ينظر ايهاب أمامه بصدمه وعدم تصديق ويقول.رنا انتي اتجننتي ولا ايه قتل ايه اللي بتتكلمي عنه
رنا بغضب وجنون.لو بتول مبعدتش عن صقر هقتلها يا ايهاب وروحمة بابا وماما لا اقتلها انا عايزه صقر وصقر مش هيكون بتاعي غير لما اقتل بتول ولو انت معملتش ده وساعدتني هعملوا انا يا ايهاب
ايهاب بصوت عالي.رناااااااا متجننيش عليكي بتول لو حصلها حاجه صقر مش هيرحم حد وهيقتلنا كلنا لو اتخدشت خدش واحد بسبب حد فينا واوعي تنسي هو اتجوزك ليه أصلا اهدي شويه وفكري بعقل علشان بالطريقه دي نهايتنا هتكون قريبه علي ايد صقر يا رنا
تنظر رنا أمامها وتقول بجنون شديد.انا عايزه صقر ليا لوحدي يا ايهاب وصقر مش بيبطل تفكير في الزباله دي وانا لازم اشيلها من قدموا علشان ينساها افهمني بقي عايزه اخلص من بتول
ينفخ ايهاب بقوه كبيرة ويقول.كل حاجه بعقل يا رنا مش بطريقه دي انتي كده هتضيعينا كلنا