تنظر اليه بتول وهي لم تفكر بكل هذا لاكن تقول بعناد شديد.برضو عايزه اتطلق يا اسد
ينفخ اسد بقوه كبيره ويقول.فكري كويس يا بتول علشان متندميش لحظه واحده بعد كده وتعالي بعد يومين قوليلي قرارك وانا معاكي في يا بت عمي طالما الموضوع واصل معاكم لكده
تغلق بتول عينيها بوجع وتقول.انا عايزه ارتاح من كل ده يا اسد تعبت وعايزه ارتاح من صقر ووجع قلبي منه وده مش هيحصل غير لما اتطلق وانا كده كده من بعده مش هتجوز تاني ولا هدخل حد حياتي بعده ولو عايزني امضي بورقة علي الكلام ده انا موفقه ومعنديش مانع بس يطلقني ويسيبني في حالي صقر ربطني بجوازه مني ده وطول ما هو ربطني انا مش هقدر انساه ولا اعيش زي ما انا عايزه
ينظر اليها اسد ويضع يده علي كتفها ويقول.صقر بيعشقك يا بتول نظرة عشقه ليكي واضحه وضوح الشمس يا بت عمي ومش لو رفعتي قضيه لو اتطلقتي منه بجد عمره ما هيسيبك غير بمزاجه ولو هو عايز يسيبك صقر طول ما قلبه بيدق ليكي عمرك ما هتفرقي روحه يا قشطه
تنظر اليه بتول وتبتسم وتقول.يبقي اكرهوا فيا ويطلقني ويسيبني اعيش يا اسد
ينظر اليها اسد بعدم تصديق ويقول.وهتعملي ده ازاي
تنظر بتول أمامها وهي تفكر بطريقة تجعل صقر يكرها لكي يتركها لحالها لتعيش كما هي تريد فهي لم تريد هذه الحياه التي وضعها بها صقر وتنظر الي اسد وتبتسم وتقول.في حاجات كتير صقر ميقبلهاش علي نفسه يا اسد ولو انا عملت حاجه من الحاجات دي هو مش هيقبلها وهيطلقني علي طول